රටට අවශ්‍ය මෛත්‍රී - මහින්ද පාලනයක්

වර්තමානයේ රටට අවශ්‍ය වී තිබෙන්නේ මෛත්‍රී - මහින්ද පාලනයක් බවත්, මේ නිසා මහින්ද රාජපක්ෂ මහතා අගමැති අපේක්ෂකයා බවට පත්කිරීමට පෙරේදා (06දා) පැවති සාකච්ඡාවලින් අවසන් විසඳුමක් නොලැබීම නිසා තවදුරටත් ඒ සම්බන්ධයෙන් සාකච්ඡා පවත්වන බවත් පාර්ලිමේන්තු මන්ත්‍රී බන්දුල ගුණවර්ධන මහතා සඳහන් කළේය.
මහින්ද රාජපක්ෂ මහතා අගමැති අපේක්ෂකයා බවට පත්කළහොත් පාවෙන සහ සුළු ජාතික ඡන්ද නොලැබෙන බවට ශ්‍රී ලංකා නිදහස් පක්ෂයේ කිහිප දෙනෙකු තම පෞද්ගලික මතය ඉදිරිපත් කළද, වර්තමාන ආණ්ඩුව රට තුළ ක්‍රියාත්මක කරන වැඩපිළිවෙළවල් සහ ක්‍රියාකරන ආකාරය මත ඔවුන්ට පාවෙන ඡන්ද නොලැබෙන බවත්, සුළු ජාතික ඡන්ද මහින්ද රාජපක්ෂ මහතාට නොලැබෙනවා යැයි කිසිවෙකුටත් පැවසිය නොහැකි බවත් ඔහු පවසා සිටියේය.
19 වැනි ව්‍යවස්ථා සංශෝධනයත් සමග බලවත් අගමැති තනතුරක් ඇති වී තිබෙන බවත්, මේ නිසා ජනතාව ඉල්ලා සිටින්නේ මෛත්‍රී, මහින්ද එකතුවක්  බවත් මන්ත්‍රීවරයා සඳහන් කළේය.
ජනතාව ඉල්ලා සිටින දේ ලබාදීමට තවදුරටත් සාකච්ඡා පවත්වන බවද හෙතෙම තවදුරටත් පවසා සිටියේය.