යාපනයේ ගල් ප්‍රහාර හා පුද්ගල පහරදීම්

යාපනය කරයිනගර් හා ආනෙයිකොඩ්ඩෙයි ප්‍රදේශයන්හි ඊයේ (25දා) රාත්‍රියේ බස් රථයකට ගල් ප්‍රහාරයක් හා පුද්ගලයන්ට පහරදී යතුරුපැදි වලට හානි සිදුකිරීම් ගැන වාර්තා වී ඇති බවට ප්‍රදේශ භාර පොලිස් ස්ථාන සඳහන් කරයි.

(25දා) රාත්‍රියේදී අනෙයිකොඩ්ඩෙයි ප්‍රදේශයේදී තරුණයන් පිරිසක් සිටි ස්ථානයකට යතුරුපැදි කිහිපයකින් පැමිණි නාඳුනන පිරිසක් විසින් එක්වරම පොලු මුගුරුවලින් පහරදී එම තරුණයන්ගේ යතුරුපැදිවලටද හානි කොට පලා ගොස් තිබෙන බවට මණිපායි පොලීසියට තොරතුරු ලැබී ඇත.

ඊයේ සවස් කාලයේ යාපනය ගුරුනගර් ප්‍රදේශයෙහි ධාවනය වෙමින් තිබූ බස් රථයකට කිසියම් පිරිසක් විසින් සැඟව සිට ගල් ප්‍රහාර එල්ල වී ඇති අතර එහිදී බස් රථයේ මගීන් නොසිටීම නිසා හානියක් සිදු නොවුනද බස් රථයේ වීදුරු කැඩී ඇති බවටද පොලීසිය සඳහන් කළේය.