යාපනය සරසවි සිසුහු දිස්ත්‍රික් ලේකම් කාර්යාලය වටලති

යාපනය සරසවි සිසුන් දෙදෙනාගේ මරණයට විරෝධය පාමින් අද (24දා) යාපනය සරසවියේ සියලු පීඨවල සිසු සිසුවියෝ යාපනය දිස්ත්‍රික් ලේකම් කාර්යලය ඉදිරිපිට ප්‍රධාන දොරටුව අවහිර කරමින් උද්ඝෝෂණයක නිරත වූහ.

සිය අධ්‍යයන කටයුතුවලින් ඉවත්වී යාපනය දිස්ත්‍රික් ලේකම් කාර්යාලයේ ප්‍රධාන දොරටුව අවහිර කරමින් සරසවි සිසුන් මෙසේ උද්ඝෝෂණයක නිරත වූයේඅදාළ වෙඩි තැබීම සම්බන්ධයෙන් සාධාරණයක් ඉටුකරන ලෙස ඉල්ලමිනි.

උද්ඝෝෂණය හේතුවෙන් දිස්ත්‍රික් ලේකම් කාර්යාලයේ සේවයේ නිරත රජයේ සේවක සේවිකාවන්ටද දිස්ත්‍රික් ලේකම් කාර්යාලයට ඇතුළු වීමට නොහැකි වී තිබිණි.