යාපනය අධිකරණයට ගල් ගැසීමේ සිද්ධියෙන් 14ක් නිදහස්

යාපනය අධිකරණ සංකීර්ණයට හා පොලිස් නිලධාරීන්ට ගල් ප‍්‍රහාර එල්ල කිරීම  හේතුවෙන් අත්අඩංගුවට ගෙන යාපනය  අධිකරණයට ඉදිරිපත් කළ සැකකරුවන් 54 දෙනාගෙන් 14 දෙනෙකු නිදහස් කොට සරසවි සිසුවෙකුට ඇප නියෝග දී ඉතිරි 39 දෙනා ජුනි 26 දා තෙක් රිමාණ්ඩ් කිරීමට යාපනය මහේස්ත‍්‍රාත් එස්.ශිවකුමාර් මහතා නියෝග කළේය.

යාපනය පොලීසිය පැවසුවේ පසුගිය මැයි 20 දා පාසල් දැරිය ඝාතනය කළ පුද්ගලයින්ට දඬුවම් දෙන ලෙස ඉල්ලා කලහාකාරි ලෙස හැසිරෙමින් යාපනය අධිකරණ සංකීර්ණ භූමියට ගල් ගසා රාජ්‍ය දේපළ හානියට පත් කිරීමේ වරදට අත්අඩංගුවට ගත් සැකකරුවන් 130 දෙනාගෙන් රිමාන්ඩ් කර සිටි 54 දෙනෙකු පෙරේදා (12දා) අධිකරණය වෙත  ඉදිරිපත් කළ බවයි.