මුදල් විශුද්ධීකරණයට ලාංකිකයෙකුට ඇමෙරිකාවෙන් චෝදනා

මුදල් විශුද්ධීකරණය යටතේ ශ්‍රී ලංකාවේ ආයේජකයෙකු බව කියන රියෙන්සි එඩ්වර්ඩ්ස් ඇතුළු හය දෙනෙකුට ඇමෙරිකාවේ අධිකරණ දෙපාර්තමේන්තුව චෝදනා ගොනු කොට තිබේ. ඇමෙරිකානු ඩොලර් මිලියන 50කට අධික මුදලක් වංචා සහගත ලෙස භාවිත කිරිම ඔවුන්ට එරෙහිව ඇති චෝදනාවයි.

අධික ප්‍රතිලාභ ලබාදෙන ලෙස පවසමින් ඇමෙරිකාවේ මෙන්ම ලෝකයේ රටවල් කිහිපයක ජනතාව ඔවුන් විසින් රවටා ඇති බව ඇමෙරිකාවේ අධිකරණ දෙපාර්තමේන්තුව සඳන් කරයි.

රජයේ අනුග්‍රහය ලබමින් ඔවුන් මෙම ආයෝජන සිදුකරන බවට ප්‍රකාශ කර ඇතත් එය අසත්‍යක් බවත් එසේම රජයෙන් රයට කිසිදු අනුග්‍රහයක් ලැබි නොමැති බවත් අධිකරණ දෙපාර්තමේන්තව නිකුත් කළ නිවේදනයක වෙයි.

2013 වසරේ ජුනි මාසයේ සිට 2016 වසරේ අගෝස්තු මාසය දක්වා ඔවුන් මෙම නිතිවිරෝධී ව්‍යාපාරයේ යෙදී ඇතැයිද ඔවුන්ගේ නිවේදයේ  දැක්වෙයි. 

මේ පිළිබඳව සන්ඩේ ටයිම්ස් පුවත් සේවය එඩ්වඩ් මහතාගෙන් විමසා ඇති විට ඔහු පවසා ඇත්තේ තමන්ට මේ පිළිබඳව ඇමෙරිකාව හෝ තානාපති කාර්යාලය තමන්ට දැනුම් දීමක් කර නැති බවත් තමන් ආයෝජනය කරන්නෙකු නොවන බවත් ආයෝජකයන් සඳහා උපදෙස් ලබාදීම සිදුකරන බවත්ය.