මාස 06කට පසු ඇමති කෞතුකාගාරයට යයි

සංස්කෘතික හා කලා කටයුතු ඇමති ධුරයට පත්වීමෙන් පසු පසුගිය කාලයේ තිබූ අවිවේකීභාවය නිසා මාස 06 ක් යනතුරු අමාත්‍යාංශයට අයත් ආයතනයක් වන ජාතික කෞතුකාගාරයට පැමිණීමට නොහැකි වූ බව විෂය භාර අමාත්‍ය නන්දිමිත්‍ර ඒකනායක මහතා අද (18දා) ප්‍රකාශ කළේය.

කෞතුකාගාරයේ විශේෂ නිරීක්ෂණ චාරිකාවකට එක්වෙමින් ඒ මහතා වැඩිදුරටත් සඳහන් කළේ ගිය වසරේ අගෝස්තු මාසයේදී ආරම්භ කර තිබෙන අලුත්වැඩියා කටයුතු මේ වසර අවසන්වීමට පෙර නිමකරන බවයි.

පැහැදිලිව හා නිදහසේ කෞතුක වස්තූන් නැරඹීමේ අවස්ථාව උදාවූයේ අද දිනයේදී බවත්, අද දිනයේදී ලබාගත් දැනුවත්වීම ඇමතිකම නොලැබී ගියද තමාට වැදගත් බවත් ඔහු කීය. 

ඡායාරූප ඉසුරු පෙරේරා