මහවැලි අධිකාරියට සේවකයන් බඳවාගැනීමේ වෙනසක්

මහවැලි අධිකාරියේ සේවය කරන සේවකයන්ගේ යහපත උදෙසා එහි සේවක බඳවා ගැනීම් පටිපාටිය වෙනස් කිරීමට බලාපොරොත්තු වනබව ජනාධිපති මෛත්‍රීපාල සිරිසේන මහතා ප්‍රකාශ කළේය.

ජනාධිපතිවරයා මේ බව ප්‍රකාශ කර සිටියේ, කොළඹ, බණ්ඩාරණායක අනුස්මරණ ජාත්‍යන්තර සම්මන්ත්‍රණශාලා පරිශ්‍රයේදී අද (21දා) පැවැති මහවැලි අධිකාරියේ උසස්වීම් හා නව පත්වීම් ලබාගත් නිලධාරීන් සමග වූ හමුවේදීය.

රටේ ඉදිරි සංවර්ධනය සඳහා භෞතික සම්පත් වර්ධනය මෙන්ම පුද්ගලයන්ගේ ආධ්‍යත්මික සංවර්ධනය සඳහාත් කළ යුතු බොහෝ වැඩ කොටසක් සියලු දෙනාට පැවරෙන බව ජනාධිපතිවරයා එහිදී සඳහන් කර සිටියේය.

ඡායාරූප ඉසුරු පෙරේරා