මරදානේ වෙඩි තැබීමෙන් තිදෙනෙක් රෝහලේ

යතුරු පැදියකින් පැමිණි දෙදෙනෙකු විසින් මරදාන ප්‍රදේශයේදී අද (29දා) සිදුකල වෙඩි තැබීමකින් පුද්ගලයන් තිදෙනෙකු තුවාල ලබා කොළඹ ජාතික රෝහලට ඇතුලත් කර ඇතැයි මරදාන පොලීසිය සඳහන් කරයි.

මෙම වෙඩික්කරුවන් ත්‍රීරෝද රථයක් පසුපස හඹාගොස් වෙඩි තැබීම සිදුකල ඇති අතර ඒ අනුව තුවාල ලබා ඇත්තේ ත්‍රීරෝද රථයේ ගමන් කරමින් සිටි තිදෙනකු බව පොලීසිය පවසයි.

මෙම වෙඩි තැබීම සඳහා ටී56 වර්ගයේ ගිනි අවියක් භාවිතා කර ඇතිබවට තොරතුරු ලැබී ඇතැයිද පොලිසිය පවසයි.

සිදුවීම සම්බන්ධයෙන් මරදාන පොලීසිය වැඩිදුර විමර්ශන කටයුතු සිදුකරනු ලබයි.