මඩකලපුවේ සිට අභ්‍යන්තර ගුවන් ගමන්

මඩකලපුව අභ්‍යන්තර ගුවන්තොටුපොළේ නවීකරණය කරන ලද ගුවන් ධාවනය පථය එළැඹෙන 10 දා ජනපති මෛත්‍රීපාල සිරිසේන මහතාගේ ප්‍රධානත්වෙන් විවෘත කිරීමට නියමිත බව ජනපති මාධ්‍ය අංශය කියයි.

ඒ අනුව ඉදිරියේදී රට අභ්‍යන්තරයේ සිදුවෙන ගුවන් ගමන් සඳහා මෙම ගුවන් තොටුපොළ භාවිතයට ගැනීමට නියමිතය. මඩකලපුව ගවන් හමුදා කඳවුර තුළ මෙම ගුවන් පථය නවීකරණය කර තිබේ.

මඩකලපුව අභ්‍යන්තර ගුවන්තොටුපොළේ මෙහෙයම් කටයුතු ගුවන් හමුදාව විසින් සිදුකරනු ලැබුවත් 2016/07/28 දින ගැසට් පත්‍රය අනුව එහි අයිතිය සිවිල් ගුවන් සේවා අධිකාරියට පවරා ගැනීමට ප්‍රවාහන හා සිවිල් ගුවන් සේවා අමාත්‍යවරයා කටයුතු කරනු ලැබීය.

ඒ සඳහා මැයි 31 දින ඉදිරිපත් කරන ලද කැබනිට් පත්‍රිකාවට ජුනි 14 දා කැබිනට් මණ්ඩලයේ අනුමැතියද හිමිව තිබේ.