බඹරු නිසා 25ක් රෝහලේ

හපුතලේ ලිප්ටන් සීට්, දඹේතැන්න හා මහකන්ද ප්‍රදේශවල බඹරු කූඩ ඇවිස්සීම නිසා පුද්ගලයන් කලබලයට පත්ව ඇති අතර එහිදී පුද්ගලයන් 25ක් පමණ තුවාල ලබා දියතලාව හා දඹේතැන්න රෝහල්වෙත යොමුකර  තිබේ.

අද (29දා) පෙ.ව. 11.00ට පමණ මෙම සිදුවීම සිදුව ඇත. පාසල් නිවාඩුකාලය  හේතුවෙන් දේශීය සංචාරකයන්ද විදේශීය සංචාරකයන්ද විශාල පිරිසක් මේ දිනවල ඉහත ප්‍රදේශ තුළ සංචාරය කරයි.

බඹරු ඇවිස්සීම හේතුවෙන් ඔවුන් දිව යෑමට උත්සාහ කිරීමේදී මෙසේ තුවාල ලබා ඇති බව වාර්තා වෙයි.