බඳගිරියෙන් තවත් ඉපැරණි කාසි සොයාගනියි

හම්බන්තොට දිස්ත‍්‍රික්කයේ මාර්ග සංවර්ධන කටයුතුවලදී පසුගිය සැප්තැම්බර් මස 30 වැනිදා බඳගිරිය ප්‍රදේශයෙන් මාගා සමාගමට ඉපැරැණි තඹ කාසි 241 ක් හමු වී ඇති අතර, පසුදින එම ස්ථානය නැවත පරීක්ෂා කළ පුරාවිද්‍යා දෙපාර්තමේන්තුවේ නිලධාරීන්ටද එම ස්ථානයේම විසිරී තිබූ තවත් තඹ කාසි 40 ක් හමු වී ඇත.

ඉන් අනතුරුව පසුගියදා කාසි හමු වූ ස්ථානයට ආසන්න මුලු ප‍්‍රදේශයම තවදුරටත් පරීක්ෂා කළ කලාප භාර නිලධාරී පුරාවිද්‍යා පර්යේෂණ සහකාර සුමේධ පණ්ඩිතරත්න මහතා සහ සංවර්ධන නිලධාරී අජිත් ඉන්දික ගමගේ මහතාට තවත් ඉපැරණි තඹකාසි 1500කට අධික ප්‍රමාණයක් හමු වී ඇත. මේ වනවිට දින කිහිපයක් තුළ බඳගිරියෙන් හමු වී ඇති සමස්ත කාසි ප‍්‍රමාණය 2000කට ආසන්න වෙයි.