පොසොන් සතිය 30දා සිට

අනුබුදු මිහිදු මහරහතන්වහන්සේ බුදු දහම ද සමග මෙරටට වැඩම කිරිමෙන් අනතුරුව සමරනු ලබන 2322 වන පොසොන් උත්සවය මෙවර පැවැත්වෙන අතර ඒ වෙනුවෙන් පොසොන් සතියක් නම් කිරීමට රජය පියවර ගෙන තිබේ. 

ඒ අනුව මෙවර පොසොන් සතිය මැයි 30දා සිට ජුනි 05දා දක්වා ක්‍රියාත්මක වන අතර "මිහිදු බණ පිළිපදිමු" යන්න මෙවර තේමාව වී ඇත. 

30දා සවස ඉසුරුමුණි විහාරයෙන් පැන් පෙරහැර ආරම්භ  වන අතර පසුව මහමෙව්නා උයනේ පිහිටුවා ඇති  පිරිත් මණ්ඩපයේ දී පිරිත් පේ කිරිමෙන් අනතුරුව සති පිරිත් පිංකම ආරම්භ කිරිමට නියමිතය. ජුනි 05දා දක්වා සති පිරිත පැවැත්වේ. දොරකඩ අස්න කියවීම ජුනි 06දා සිදු කෙරේ.