අත්අඩංගුවේ සිටි සැකකරු රෝහලින් පැන යයි

රාගම රෝහලේ නේවාසිකව ප‍්‍රතිකාර ලබමින් සිටි සැකකරුවකු අද (30දා) අලුයම බන්ධනාගාර නිලධාරීන්ගේ අත්අඩංගුවෙන් මිදී පලාගොස් ඇති බව පොලිස් මූලස්ථානය පවසයි.

සැකකරු දේවකගේ තුසිත චාමර නොහොත් දිලාන් නැමැති වයස අවුරුදු 29ක් වු අංක63 / 17 මැගසින් පාර, බොරැල්ල ලිපිනයේ පදිංචිකරුවෙක් බව පොලීසිය කියයි.

හෙරෝයින් කිලෝ 01 1/2 ක් තබා ගැනීමේ චෝදනාව යටතේ මහර බන්ධනාගාරයේ රඳවා සිටි සැකකරු සොයාගැනීම සඳහා පොලීසිය ජනතාවගේ සහාය ඉල්ලයි.

සැකකරුගේ දකුණු අතේ ඉහළ සිට පහළ දක්වා පච්චයක් කොටා ඇති බවත් පොලීසිය කියයි. සැකකරු පිළිබඳව තොරතුරක් දන්නා අයෙක් වෙයි නම් 0112957197 යන දුරකථන අංකයට රාගම පොලිස් ස්ථානාධිපති අමතන ලෙසද පොලිස් මූලස්ථානය පවසයි.