පාතාලයේ ලන්සාගේ සගයින් දෙදෙනෙක් අත්අඩංගුවට

දිවයිනේ ප්‍රධාන පෙළේ හෙරොයින් ජාවාරම්කරුවෙකු වන ‘පාතාලයේ ලන්සා’ ගේ හෙරොයින් අලෙවියට පැකට් කරමින් සිටි පුද්ගලයින් දෙදෙනෙකු පිළියන්දල ප්‍රදේශයේදී ගල්කිස්ස පොලීසිය විසින් ඊයේ (13 දා) රාත්‍රී අත්අඩංගුවට ගෙන තිබේ. අත්අඩංගුවටගත් මෙම සැකකරුවන්ද ප්‍රධාන පෙළේ හෙරොයින් ජාවාරම්කරුවන් බවත්, මොවුන් රත්මලාන ගොනාකොවිල ප්‍රදේශයේ පදිංචි 28 ත් 29 ත් වයසේ පසුවන තරුණයන් බවත් පොලීසිය පවසයි.

අත්අඩංගුවට ගත් සැකකරුවන් සතුව තිබී හෙරොයින් ග්‍රෑම් 60 ක් සොයා ගැනීමට හැකි වූ බවත්, එහි වටිනාකම රු. ලක්ෂ 10 ඉක්මවන බවද පොලීසිය පවසයි.