නියං රකුසා උතුරේ - පවුල් 29,000ක් පීඩාවට

මේ දිනවල පවතින වැසි නොමැති කාලගුණික තත්ත්වය උතුරටද බලපා ඇති බවත් එම පළාත්හි පිහිටි කුඩා වැව් සියල්ලක්ම සිඳීයාම හේතුවෙන් පානීය ජලය ඇතුළු අනෙකුත් අවශ්‍යතා සඳහා ජලය නොමැති වීමෙන් උතුරේ පවුල් 28,630කට ආසන්න පිරිසක් විපතට පත්ව ඇති බවත් උතුරේ  දිස්ත්‍රික් ලේකම්වරු පවසති.

සෑම වසරකම ඔක්තෝබර් මාසයේ මුල් කාලය වන විට වර්ෂාව ආරම්භ වී උතුරේ ගොවිතැන් හා කෘෂිකාර්මික කටයුතු ආරම්භ වුවත් මේ වසරේ මේ වනතුරුත් වර්ෂාව නොමැති වීමෙන් උතුරේ පිහිටි සියලු කුඩා වැව් ඉතා ශීඝ්‍රයෙන් සිඳී යමින් පවතී.

එමෙන්ම කුඩා වැව් සිඳී යාම හේතුවෙන් උතුරේ ග්‍රාමීය පළාත්හි පිහිටි ළිංවල ජලය සිඳී යාමත් සමග එම ප්‍රදේශයන්හි ජනතාවට පානීය ජලය නොමැති වීමෙන් දැඩි අසීරුතාවට පත්ව ඇති බවද වාර්තා වෙයි.