නාඋයනේ අරියධම්ම නාහිමියෝ අද සමුගනිති

සම්බුද්ධ ශාසනය වෙනුවෙන් මිළ කළ නොහැකි අනූපමේය මෙහෙයක් කළ මෑත යුගයේ වැඩ විසූ ශ්‍රේෂ්ඨතම යතිවරයාණන් වහන්සේ නමක වන නාඋයනේ අරියධම්ම නා හිමියන්ගේ ශ්‍රී දේහය පිළිබඳ ආදාහන පූජෝත්සවය අද (12දා) පාර්ලිමේන්තු ක්‍රීඩා පිටියේදී පැවැත්වීමට නියමිතය.

ශ්‍රී ලංකා රාමඤ්ඤ මහ නිකායේ අනුනායක ධුරයද හෙබවූ උන්වහන්නේ පසුගිය සැප්තැම්බර් මස 07 වැනිදා අලුයම සිහිනුවණින් අපවත්වී වදාළහ. අද (12දා) රාජ්‍ය ගෞරව මධ්‍යයේ තෛනිකායක මහානායන අනුනායක මාහිමිපාණන් වහන්සේලා ප්‍රධාන මහා සඟරුවනේ පූජනීය ගෞරවයෙන් හා  රාජ්‍ය ගෞරව සහිතව සවස 3.00ට පමණ පාර්ලිමේන්තු භූමියේදී මාහිමිපාණන් වහන්සේගේ ආදාහන පූජෝත්සවය සිදුකිරීමට නියමිතය.

නා හිමියන්ගේ දිවි පෙවත පිළිබඳ අතීතාවර්ජනය - http://tinyurl.com/z9ugpub

ආදාහන මහෝත්සවය

ප.ව. 1.00          බෞද්ධාලෝක මාවතේ සිට ආදාහන පෙරහර ආදාහන මළුව වෙත පිටත්වීම

ප.ව. 2.00          ආදාහන පෙරහර පාර්ලිමේන්තු වටරවුමට සම්ප්‍රාප්තවීම

ප.ව. 2.15          පාර්ලිමේන්තු වටරවුමේ සිට පාගමනින් ආදාහන පෙරහර පිටත්වීම

ආදාහන මළුවේ න්‍යාය පත්‍රය

3.10 - 3.20       සමාරම්භක නිවේදනය හා ත්‍රෛනිකායික මහා නායක ස්වාමින් වහන්සේලාගේ පණිවිඩ, ජනාධිපතිතුමාගේ පණිවිඩය, අග්‍රාමාත්‍යතුමාගේ පණිවිඩිය, කථානායකතුමාගේ පණිවිඩය, ස්වදේශ කටයුතු අමාත්‍යතුමාගේ පණිවිඩය, මහ නගර හා බස්නාහිර සංවර්ධන නියෝජ්‍ය අමාත්‍යතුමාගේ පණිවිඩය ඇතුළත් අපවත් වී වදාළ අනුනාහිමි චරිතාපදානය ආදාහනෝත්සව සභාව වෙත පිළිගැන්වීම

3.20 - 3.25       පිරිස පංච ශීලයෙහි පිහිටුවීම (ශ්‍රී ලංකා රාමඤ්ඤ මහා නිකායේ ශ්‍රී කල්‍යාණී යෝගාශ්‍රම සංඝ සභාවේ සභාපති ධුරන්දර අතිගරු පූජනීය  පහලවිටියල ජනානන්ද නාහිමිපාණන් වහන්සේ විසිනි)

3.30 - 3.45       පිළිගැනීමේ කතාව (ශ්‍රී ලංකා රාමඤ්ඤ මහා නිකායේ ශ්‍රී කල්‍යාණී යෝගාශ්‍රම සංඝ සභාවේ ලේඛකාධිකාරී ධුරන්දර අතිගරු පූජනීය කහගොල්ලේ සෝමවංශ මාහිමිපාණන් වහන්සේ විසිනි)

3.45 - 4.00       පාංශකූල චාරිත්‍ර (ශ්‍රී ලංකා රාමඤ්ඤ මහා නිකායේ අතිගරු පූජනීය මහා නායක මාහිමිපාණන් වහන්සේ විසිනි.)

පැවිදි අනුශාසනා

4.07 - 4.12       සියම් මහා නිකායේ අස්ගිරි පාර්ශ්වයේ අනුනායක දර්ශනපති අතිගරු පූජනීය ආනමඩුවේ ධම්මදස්සී අනුනායක ස්වාමීන් වහන්සේ.

4.14 - 4.19       ශ්‍රී ලංකා රාමඤ්ඤ මහා නිකායේ මහා ලේඛකාධිකාරී මාතලේ ධම්මකුසල මහා නාහිමිපාණන් වහන්සේ.

4.21 - 4.26       අමරපුර මහා සංඝසභාව වෙනුවෙන් අතිගරු පූජනීය කොටුගොඩ ධම්මාවාස නාහිමිපාණන් වහන්සේ.

4.28 - 4.33       ශ්‍රී කල්‍යාණී යෝගාශ්‍රම සංඝ සභාවේ උපප්‍රධාන අනුශාසක ධුරන්දර අතිගරු පූජනීය මීතලාවේ විනීත නාහිමිපාණන් වහන්සේ.

4.35 - 4.40       කොළඹ ශ්‍රී සම්බෝධි මහා විහාරාධිපති අති පූජ්‍ය දරණාගම කුසලධම්ම නාහිමිපාණන් වහන්සේ.

4.42 - 4.47       නාඋයන අරණ්‍ය සේනාසනාධිකාරී කම්මට්ඨානාචාර්ය අඟුල්ගමුවේ අරියනන්ද නාහිමිපාණන් වහන්සේ.

ගිහි අනුශාසනා

4.50 - 4.55       මහ නගර හා බස්නාහිර සංවර්ධන නියෝජ්‍ය අමාත්‍ය ලසන්ත අලගියවන්න මහතා - ශ්‍රී කල්‍යාණී යෝගාශ්‍රම සංස්ථා සමස්ත දායක සභාව වෙනුවෙන්.

4.58 - 5.03       ස්වදේශ කටයුතු අමාත්‍ය වජිර අබේවර්ධන මහතා.

5.05 - 5.10       ශ්‍රී ලංකා ප්‍රජාතන්ත්‍රවාදී සමාජවාදී ජනරජයේ අග්‍රාමාත්‍ය රනිල් වික්‍රමසිංහ මහතා.

5.12 - 5.17       ශ්‍රී ලංකා ප්‍රජාතන්ත්‍රවාදී සමාජවාදී ජනරජයේ ජනාධිපති මෛත්‍රීපාල සිරිසේන මහතා.

ස්තූති කතාව

5.19 - 5.24       ස්තූති කතාව - ශ්‍රී ලංකා රාමඤ්ඤ මහා නිකායේ ශ්‍රී කල්‍යාණී යෝගාශ්‍රම සංඝ සභාවේ ලේඛකාධිකාරී ධුරන්දර අතිගරු පූජනීය කහගොල්ලේ සෝමවංශ මාහිමිපාණන් වහන්සේ.

ප.ව. 5.26          ශ්‍රී දේහය චිතකය වෙත වැඩමකරවීම සහ ආදාහන කටයුතු සිදුකිරීම.