නවගමුව පෙරහර හේතුවෙන් විශේෂ රථවාහන සැලැස්මක්

අද(16) රාත‍්‍රියේ පැවැත්වෙන නවගමුව පුරාණ පත්තිනි දේවාලයේ මහ පෙරහර සහ හෙට දිනයේ පැවැත්වීමට නියමිත දිය කපන මහ පෙරහර හේතුවෙන් විශේෂ රථවාහන සැලැස්මක් කි‍්‍රයාත්මක වන බව වාර්තාවේ. කොළඹ - අවිස්සාවේල්ල මාර්ගයේ අද රාත‍්‍රී 9 සිට හෙට අලූයම 2 දක්වා සහ හෙට උදෑසන 9 සිට දහවල් 2 දක්වා එම සැලැස්ම කි‍්‍රයාත්මක වනු ඇත. ඒ අනුව අද රාත‍්‍රියේ අතුරුගිරිය - වෙලේ හන්දිය ඔස්සේ අතුරුගිරියටත්,වදුරමුල්ල හන්දියෙන් සුමනතිස්ස මාවත ඔස්සේ කොළඹ - අවිස්සාවේල්ල මාර්ගයට රථ වාහනවලට පිවිසිය හැකියි. හංවැල්ල සිට කොළඹ දක්වා ගමන් කරන වාහන රනාල - සියඹලාගහ හන්දියෙන් ඇති මාර්ග අංක 689 භාවිතා කරමින් කඩුවෙල මාර්ගයට පිවිසිය හැකි බව වැඩි දුරටත් වාර්තාවේ.