දඩමුදලට එරෙහිව බස් වර්ජනයක්

රුපියල් 2500ක් වූ අවම දඩ මුදල හේතුකොටගෙන අලුත්ගම බස් නැවතුම්පළෙන් ආරම්භ වන පෞද්ගලික බස් රථ 80ක පමණ සේවකයන් අද (17දා) අලුයම් කාලයේ සිට බස් රථ සේවාවෙන් ඉවත්ව විරෝධතාවක් ආරම්භකර තිබේ.

මාර්ග අංක 400 අලුත්ගම-කොළඹ ඇතුළු එම බස් නැවතුමෙන් ගමන් ආරම්භ කරන කළුතර - මතුගම - පැලවත්ත අතුළු සියලු අතුරු මාර්ග රැසකද සේවකයෝ සිය සේවාවෙන් ඉවත් වී සිටිති.

කළුතර - පානදුර - හොරණ බස්නැවතුම්පළවල් වලින් ධාවනය වන බස්රථ සේවකයන්ද මෙම වර්ජනයට සහාය දක්වා තිබේ.

අලුත්ගම තුසිත කුමාර ද සිල්වා