ත්‍රිරෝද අනතුරකින් තිදෙනෙකුට දිවි අහිමි වෙයි

රත්නපුර කොළඹ ප‍්‍රධාන පාරේ කුරුවිට, පුස්සැල්ල ප‍්‍රදේශයේදී අද (26දා) දහවල් ති‍්‍රරෝද රථයක් හා බවුසරයක් මුහුණට මුහුණලා ගැටීමෙන් සිදු වූ අනතුරින් ත‍්‍රිරෝද රථයේ ගමන් කළ තිදෙනෙක් ජීවිතක්‍ෂයට පත්ව එක් අයෙක් බරපතළ තුවාල ලබා ඇති බව ඇති බව කුරුවිට පොලීසිය පවසයි.

පිරිමි දෙදෙනෙක් සහ කාන්තාවක් මෙලෙස ජීවිතක්ෂයට පත්ව සිටිති. අනතුරින් තුවාල ලැබූ තැනැත්තා රත්නපුර මහ රෝහලේ දැඩි සත්කාර ඒකකයට ඇතුළත් කොට ඇත.

කොළඹ දෙස සිට රත්නපුර දෙසට ගමන් ගත් ඉන්ධන ප‍්‍රවාහන බවුසරයක් හා කොලොන්න ප්‍රදේශයේ සිට පරකඩුව ප්‍රදේශයට ගමන් කරමින් තිබූ  ත‍්‍රිරෝද රථයක් මෙලෙස අනතුරට පත්ව තිබේ.

කොලොන්නේ සිට පරකඩුව බෝධිමළුවේ ඥාති ගෙදරකට ගිය පිරිසක් මෙලෙස අනතුරට ලක්ව ඇති බව ද පොලිසිය පවසයි. 

අජිතලාල් ශාන්ත උදය