ටියුනීසියාව පාර්ලිමේන්තු මැතිවරණය පවත්වයි

මේ වසර මුලදී ටියුනීසියාව විසින් සම්මත කරන ලද නව ව්‍යවස්ථාව යටතේ ප්‍රථම වරට එරට සමස්ත පාර්ලිමේන්තු මැතිවරණය ආරම්භ වී ඇති බව විදෙස් පුවත් සේවා වාර්තා කරයි.

ටියුනීසියාවේ ඒකාධිපති පාලක සීන් අල්-අබිඩීන් බෙන් අලි 2011 වසරේ බලයෙන් ඉවත්වූ දේශපාලන බල හුවමාරුවේ අවසන් අදියරක් ලෙස මෙම මැතිවරණය හඳුන්වයි.

මෙම මැතිවරණය සම්බන්ධයෙන් මූලික මත විමසුම් නොමැති වුවත්, 2011 වසරේදී එරට අවසන් මැතිවරණය ජයග්‍රහණය කළ ඉස්ලාමීය එන්නාහ්දා පක්ෂය මෙවර මැතිවරණයද ජයග්‍රහණයට කරනු ඇති බවට විශ්වාසය පවතී.

එහිදී, ඔවුන්ගේ ප්‍රබල ප්‍රතිවාදීයා ලෙස සැලකෙන්නේ නයිඩා ටවුනීස් පක්ෂය සැලකෙයි.

මෙම මැතිවරණයේදී සියලුම පක්ෂ පාහේ අවධාරණය කර ඇත්තේ එරට උග්‍ර රැකියා අර්බුදයට විසඳුම් සෙවීම හා රටේ ආර්ථිකය නැවත ප්‍රාණවත් කිරීමය.

උදෑසන 7.00 ට ආරම්භ වූ ඡන්ද විමසීම සවස 6.00 දක්වා පැවැත්නෙ අතර, ප්‍රතිඵල ලබන බදාදා නිකුත් වීමට නියමිතය.