ජාතික සමුද්‍රීය සම්පත් සුරැකීමේ සතිය අද සිට
සෑම වර්ෂයකම සැප්තැම්බර් මස 03 වන සතියේ සෙනසුරාදා දිනට යෙදෙන අන්තර්ජාතික වෙරළ පවිත්‍රතා දිනයට සමගාමීව සැප්තැම්බර් මස තුන් වන සතියේ සෙනසුරාදා සිට හතරවන සතියේ සෙනසුරාදා දක්වා වන කාලය 'ජාතික සමුද්‍ර සම්පත් සුරැකීමේ සතිය' වශයෙන් මෙම වර්ෂයේ සිට ප්‍රකාශයට පත් කිරීමටත්, රජය තීරණය කර තිබේ.
ඒ අනුවඅද( 17 දා) දින සිට 23 වන දින දක්වා වෙරළ පවිත්‍රතා හා සංරක්ෂණ වැඩසටහන් සාමාන්‍ය ජනතාව, පාසල් ශිෂ්‍ය ශිෂ්‍යාවන්, රාජ්‍ය සහ රාජ්‍ය නොවන සංවිධානවල සහභාගීත්වය හා දායකත්වය ඇතිව ක්‍රියාවට නැංවීමට නියමිතය.
එහි ජාතික උත්සවය අද(17) වන දින කොළඹ, මට්ටක්කුලිය වෙරළ තීරයේදී පැවැත්වේ. දිරා නොයන අපද්‍රව්‍ය සෘජුවම හෝ ඇළ මාර්ග ඔස්සේ වෙරළ සහ සාගර කලාපයන්ට එකතුවීම තුළින් සමුද්‍ර පරිසර පද්ධතියට මෙන්ම ඒ හා බැඳුණු ධීවර සහ සංචාරක වැනි කර්මාන්තයන්ටද අහිතකර බලපෑම් ඇති කරනු ලැබේ. එබැවින්
සාගර පරිසර පද්ධතිය ආරක්ෂා කිරීමටත්, ඒ හා බැඳුණු කර්මාන්තවල තිරසර බව රැකගැනීමටත් මහජන සහභාගිත්වය සහිත ක්‍රමවත් වැඩපිළි‍වෙළක් සකස් කිරීම අත්‍යවශ්‍ය බව රජය පවසයි.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
