ගොවි බිම්හි පස පරික්ෂා කිරීම රට පුරා

ගොවිතැනට අවැසි පස පරික්ෂා කිරීමේ සේවාව 09 වන දින සිට රටපුරා පිහිටි ගොවිජනසේවා මධ්‍යස්ථාන වලදී ආරම්භ කරන බව කෘෂිකර්ම අමාත්‍ය දුමින්ද දිසානායක මහතා පැවසිය .

අමාත්‍යවරයා මේ බව කිවේ රජය ක්‍රියාත්මක කර තිබෙන ගොවි සතිය වැඩසටහන යටතේ දඹුල්ල පැල්වෙහෙර කෘෂිකර්ම විදුහලේ රුපියල් මිලියන 264 ක වියදමකින් ඉදිකළ දේශන ශාලාව හා තෙමහල් නේවාසිකාගාරය විවෘත කිරීමට එක්වෙමිනි .

නේවාසිකා ගාරයේ ළමුන් 100කට නැවතීමේ පහසුකම් සපයා ඇත .මෙහිදී අමාත්‍යවරයා පැවැසුවේ පස් පරික්ෂාව සිදුකර යුත්තේ අවශ්‍යදේ හා පසට අනවශ්‍ය දේ සොයා ගෙන වස විෂ නැති අනාගතයක් ඇති කිරීමට බවයි.