ගෙදරට එන අලෙවි ප්‍රවර්ධකයන් ගැන අවධානයෙන්

නිවෙස්වලට පැමිණෙන අලෙවි ප්‍රවර්ධන නිලධාරීන් යැයි කියාගන්නා පුද්ගලයන්ගෙන් භාණ්ඩ මිලදී ගැනීමේදී භාණ්ඩයට වගකියන නිශ්චිත ආයතන පිළිබඳව නිවැරදිව තොරතුරු ලබාගන්නා ලෙස පාරිභෝගික අධිකාරිය සඳහන් කරයි.

අලෙවි ප්‍රවර්ධන නිලධාරීන් යැයි කියාගන්නා සමහර කණ්ඩායම් කූඨ ලෙස ප්‍රමිතියෙන් තොර භාණ්ඩ අලෙවි කරන බවට තොරතුරු ලැබී තිබෙන බවත්, මෙවැනි වංචනික ක්‍රියාවලට හුසුව ඇත්නම් ඒ පිළිබඳව වහාම 011-7755481 හෝ 011-7755482 යන දුරකථන අංකවලට දැනුම් දෙන ලෙසද ඉල්ලා සිටියි.

එසේ නොමැතිනම් ළඟම පොලීසියට හෝ දිස්ත්‍රික් පාරිභෝගික කටයුතු අධිකාරී කාර්යාලවලට දන්වන ලෙස ඔවුහු වැඩිදුරටත් ඉල්ලා සිටිති.