කිරී කර්මාන්තය නගා සිටුවීමට ඔස්ට්‍රේලියාවෙන් ඇ ඩො මිලියන 21ක ණයක්

ශ්‍රී ලංකාවේ කිරි නිෂ්පාදනය නගාසිටුවීම සඳහා ක්‍රියාත්මක කර ඇති උසස් ආරයේ කිරි ගවයන් හඳුන්වාදීමේ වැඩසටහනේ දෙවැනි අදියර වෙනුවෙන් ඔස්ට්‍රේලියාවෙන් ඇ.ඩො. මිලියන 20.7ක ණය මුදලක් ලබාදී ඇති බව මුදල් අමාත්‍යාංශය පවසයි.

ඉහත ණය මුදල යටතේ තවත් ගැබ්බර කිරි ගවයන් 2,500ක් ගෙන්වීමට සහ එම කිරිගවයන් ගාල් කිරීම සඳහා අවශ්‍ය යටිතල් පහසුකම් සැලසීමට රිදියගම ගොවිපළ සංවර්ධනය කිරීමට නියමිත බවද අමාත්‍යාංශය පවසයි.

මෙම කිරි ගවයන් 2015 අප්‍රේල් මස අග වනවිට ශ්‍රී ලංකාවට ගෙන්වීමට නියමිතය.

මෙම ණය මුදල ලබාගැනීම සඳහා වූ ගිවිසුම මුදල් අමාත්‍යාංශ ලේකම් ආචාර්ය පී.බී. ජයසුන්දර,ඔස්ට්‍රේලියාවේ EFIC ආයතනය සහ නෙදර්ලන්තයේ රාබෝ බැංකුව සමග අත්සන් තැබීම පසුගියදා මුදල් අමාත්‍යාංශයේදී සිදුවී තිබේ.