කාබුල් නගරයට ප්‍රහාරයක්

(UPDATE) ඇෆ්ගනිස්තානයේ කාබුල් නගරයේ සිදුවූ ප්‍රබල පිපිරීමක් හේතුවෙන් පුද්ගලයන් 28 දෙනෙකු ජීවිතක්ෂයට පත්ව, තවත් 329 දෙනෙකු තුවාල ලබා ඇති බවද විදෙස් වාර්තා පවසයි.

මරාගෙන මැරෙන රථයක් පුපුරුවා ගැනීමත් සමග තුවක්කුකරුවන් පිරිසක් කාබුල් නගරය වෙත කඩා වැදී වෙඩි තැබීම් සිදුකර ඇති අතර, මේ වනවිට එම ප්‍රදේශයේ ආරක්ෂාව තහවුරු කර ඇති බව ඇෆ්ගන් බලධාරීහු පවසති.

මෙම ප්‍රහාරය තලේබාන් සංවිධානය විසින් සිදුකරන්නක් බව එම සංවිධානයේ ප්‍රකාශකයා මාධ්‍ය වෙත පවසා තිබේ.

ඇෆ්ගනිස්තානය පුරා ප්‍රබල ප්‍රහාර රැසක් එල්ල කරන බවට තලේබාන් සංවිධානය විසින් අනතුරු අඟවා සතියකින් පසුව මෙම ප්‍රහාරය එල්ල විය.