කහඹිලියාව ඔය රක්ෂිතයෙන් ජීව අත්බෝම්බ දෙකක්

මැදිරිගිරිය කහඹිලියාව ඔය රක්ෂිතය ආසන්නයේ තිබූ ජීව අත්බෝම්බ දෙකක් මැදිරිගිරිය පොලීසිය විසින් අද (30දා) සොයාගනු ලැබීය. කහඹිලියාව ඔය ප‍්‍රතිසංස්කරණ කටයුතුවල නිරත පුද්ගලයෙකු විසින්  මෙම අත්බෝම්බ දැකීමෙන් අනතුරුව ඒ පිළිබඳව මැදිරිගිරිය පොලීසියට දැනුමී දී තිබේ. ඉන් අනතුරුව මෙම ස්ථානයට පැමිණි පොලිස් නිලධාරීන් ඒ පිළිබඳ පරීක්ෂා කර බලා යුද හමුදා බෝම්බ නිෂ්ක්‍රිය අංශයට මේ බව දැනුම් දී ඇත.  පසුව කහඹිලියාව ඔය රක්ෂිතය ආසන්නයට පැමිණි එම නිලධාරීන් විසින් එම අත් බෝම්බ දෙක නිෂ්ක්‍රිය කරන ලදී.