කටකතා නම් යනවා තමයි - මෛත්‍රී

පොදු අපේක්ෂකයෙකු ලෙස තමන් ඉදිරිපත් වන බවට කටකතා නම් පැතිරෙන බව අමාත්‍ය මෛත්‍රීපාල සිරිසේන මහතා පැවසීය.

ඇමතිවරයා මේ බව පැවසුවේ පුවත්පත් කලාවේදියෙකු වූ කරුණාදාස සූරියආරච්චි මහතාගේ අවසන් කටයුතු අවස්ථාවට සහභාගීවීම සඳහා අද (19දා) ගම්පහ ඒ මහතාගේ නිවසට පැමිණ සිටි අවස්ථාවේ මාධ්‍ය‘වේදීන් කළ විමසුමකදීය.

මෙහිදී  ඒ මහතා පොදු අපේක්ෂකයෙකු ලෙස ජනාධිපතිවණරයට ඉදිරිපත් වන්නේද යන්න සහ අමාත්‍යාංශයෙන් ඉවත්වීම පිළිබඳව පැතිරෙන ආරංචි සත්‍යයක්ද යන්න පිළිබඳව මාධ්‍යවේදීහු ඇමතිවරයාගෙන් විමසා සිටියහ.

එයට සිනහවෙන් පිළිතුරු දුන් සිරිසේන මහතා “කටකතා නම් යනවා තමයි* යනුවෙන් ප්‍රකාශ කළේය.

අදාළ අවමංගල්‍ය උත්සවයේදී ජනාධිපතිවරයාගේ ශෝක ප්‍රකාශය ඉදිරිපත් කෙරුණේ ඇමතිවරයා විසිනි.