ඉදිරි පියවර ගැන දන්නේ නෑ - විමල්

බිරිඳගේ විදේශ ගමන් බලපත්‍රය ගැන කොළඹ අපරාධ පරීක්ෂණ දෙපාර්තමේන්තුව තමාගෙන් අද (20දා) ප්‍රශ්න කළ බව ජාතික නිදහස් පෙරමුණේ නායක විමල් වීරවංශ මහතා පැවසීය.

රහස් පොලීසියට ප්‍රකාශයක් ලබාදීමෙන් පසු අදහස් දැක්වූ ඒ මහතා,

‘‘බිරිඳගේ විදේශ ගමන් බලපත්‍රය පිළිබඳව මගෙන් ප්‍රශ්න කිරීමට අවශ්‍ය යැයි කියා තමයි රහස් පොලිසියේ මහත්තුරු මේ ස්ථානයට එන්න කිව්වේ. ඔවුන් ඒ පිළිබඳව කරුණු විමසුවා. ඒ අනුව මා ලබාදුන් ප්‍රකාශය සටහන් කරනු ලැබුවා. අදට එම කටයුතු අවසන් වූවා. ඉදිරියේදී ඔවුන් ගන්න පියවර පිළිබඳව මා දන්නේ නැහැ’’ යනුවෙන් පවසා සිටියේය.