ඉතිහාසයේ වැඩිම සංචාරක පිරිස 2013 දී

- 8 01 2014 - 17:40 - {{hitsCtrl.values.hits}} views - ෂමිල පෙරේරා

ඉතිහාසයේ වැඩිම සංචාරකයන්ගේ පැමිණීම 2013 වසරේදී වාර්තා වී ඇති බවත්, ඒ අනුව පසුගිය වසරේදී 1,274,593 ක වාර්තාගත සංචාරකයන් පිරිසක් ශ්‍රී ලංකාවට පැමිණ ඇති බවත් ශ්‍රී ලංකා සංචරණය පවසයි.

2013 වසර අවසානයේ සත්‍යාපනය (Validated) කරන ලද සංඛ්‍යා ලේඛනවලට අනුකූලව මෙය තහවුරු කර ඇති අතර, මෙම සත්‍යාපන ක්‍රියාවලියේදී ආගමන හා විගමන දෙපාර්තමේන්තුවේ පරිගණකගත දත්ත එක්රැස් කිරීමේ ක්‍රමවේදයෙන් ලබාගන්නා ලද සංඛ්‍යා ලේඛන මූලික වශයෙන් පාදක කරගන්නා බව පැවසෙයි.