ඇමෙරිකානු ජනාධිපතිවරණය අද

ඇමෙරිකා එක්සත් ජනපදයේ 45 වැනි ජනාධිපතිවරයා තෝරා පත් කරගැනීම සඳහා පැවැත්වෙන ජනාධිපතිවරණය අද (08 දා) ශ්‍රී ලංකා වේලාවෙන් පස්වරු 5.30ට පමණ ආරම්භ වීමට නියමිතව තිබේ.

ඩිමොක්‍රැටික් පක්ෂ ජනපති අපේක්ෂිකා හිලරි ක්ලින්ටන් සහ රිපබ්ලිකන් පක්ෂ ජනපති අපේක්ෂක ඩොනල්ඩ් ට්‍රම්ප් අතර මෙවර ඡන්ද විමසීම පැවැත්වෙයි. 
විශේෂයෙන්ම මෙතෙක් පැවැති ජනාධිපතිවරණ ඡන්ද විමසීම්වලට වඩා කැපී පෙනෙන තියුණු මුහුණුවරක් ගෙන ඇතැයි විදෙස් මාධ්‍ය පවසයි.

එසේම එතෙක් මෙතෙක් අවලාද සහ අපවාදවලින් ගහන වූ ජනාධිපතිවරණය ලෙසටද එය ඉතිහාසයට එක්ව තිබේ. මැතිවරණයෙන් තෝරා ගන්නා නව ජනපතිවරයා ලබන වසරේ ජනවාරි මාසයේදී එම ධූරයේ දිවුරුම් දීමට නියමිතය.