ආවා කල්ලිය හමුදාවෙන් මෙහෙවන්නේ නැහැ

උතුරේ ක්‍රියාත්මක ආවා නැමැති කල්ලිය හමුදාවෙන් මෙහෙවන කල්ලියක් නොවන බවත් හමුදාවේ සේවයකළ නිළධාරීන් මේසඳහා එක්ව ඇතිදැයි සෙවීමට පරීක්ෂණ තවදුරටත් සිදු කරන බවත් ආරක්ෂක රාජ්‍ය අමාත්‍ය රුවන් විජයවර්ධන මහතා පැවසීය.

 ''ආවා'' නැමැති කණ්ඩායම සම්බන්ධයෙන් පාර්ලිමේන්තු මන්ත්‍රී අනුර කුමාර දිසානායක මහතා අද (15) පාර්ලිමේන්තුවේ දී මතු කළ ප්‍රශ්නයකට පිළිතුරු දෙමින් අමාත්‍යවරයා මේ බව පැවසීය.

''ආවා '' කණ්ඩායම උතුරේ මෝටර් සයිකල් කල්ලියක්. යම් කිසි කාලයක් තුළ ප්‍රදේශයේ ජනතාවට හිරිහැර කර ජනතාවගෙන් කප්පන් ඉල්ලන මෝටර් සයිකල් කල්ලියක්. මේක හමුදාවෙන් මෙහෙවන කල්ලියක් නොවේ. හමුදාවට මෙවැනි කල්ලියක් මෙහෙය වන්න කිසිම හේතුවක් නෑ. දැනට අත්අඩංගුවට ගෙන තිබෙන ''ආවා'' කල්ලියේ තිදෙනෙකුගෙන් එක් අයෙකු හිටපු හමුදා නිලධාරියෙක්. දැන් ඉවත් වෙලා. යම් කිසි කාලයක් හමුදාවේ වැඩකර තිබෙනවා.  පරීක්ෂණ තවමත් පවත්වාගෙන යනවා. ''ආවා''  හමුදාව මෙහෙවන කණ්ඩායමක් නොවේයි. යැයි ද අමාත්‍යවරයා වැඩිදුරටත් පැවසීය.