ආබාධිත රණවිරු දීමනාව වයස 55න් පසුවත්

ආබාධිත රණවිරුවන් වෙනුවෙන් වයස අවුරුදු 55 තෙක් ලබාදෙන ආබාධිත රණවිරු දීමනාව වයස අවුරුදු 55 න් පසුවටද රණවිරුවන්ට ලබාදීම සඳහා මේ දිනවල සාකච්ඡා කරන බවත්, ඉදිරියේදී එය කැබිනට් පත්‍රිකාවක් හරහා අනුමත කරගැනීමට බලාපොරොත්තු වන බවත්  ආරක්ෂක රාජ්‍ය අමාත්‍ය රුවන් විජයවර්ධන මහතා පැවසීය.

ඊයේ (06දා) ලක්ෂ්මන් කදිරගාමර් මධ්‍යස්ථානයේ පැවැති රණවිරු දරුදැරියන් වෙත ශිෂ්‍යත්ව බෙදාදීමේ වැඩසටහනකදී අමාත්‍යවරයා මේ බව පැවසීය.

මෙහිදී අදහස් දැක්වූ රණවිරු සේවා අධිකාරියේ සභාපතිනි අනෝමා ෆොන්සේකා මහත්මිය පැවසුවේ ක්‍රියාන්විතයේදී ආබාධිත වූ හෝ මියගිය රණවිරුවන්ට අමතරව ක්‍රියාන්විතයේදී නොවන ආබාධයට ලක්වූ රණවිරුවන් වෙනුවෙන්ද සුභසාධක වැඩපිළිවෙළක් ක්‍රියාත්මක කිරීමට කටයුතු කරන බවයි. 

ඡායාරූප ජයමාල් චන්ද්‍රසිරි