ආදායම් දෙපාර්තමේන්තුවෙත් විරෝධතාවක්

දේශීය ආදායම් දෙපාර්තමේන්තුව වෙත දේශපාලන පත්වීම් ලබාදීම වැළැක්වීම ස‘ඳහා වූ විරෝධතාවක් අද (29දා) දහවල් දේශීය ආදායම් දෙපාර්තමේන්තුව ඉදිරිපිටදී පැවැත්විණි.

ශ්‍රී ලංකා දේශීය ආදායම් සේවාවේ වෘත්තීය සමිති ඒකාබද්ධ කමිටුව විසින් සංවිධානය කර තිබූ එම විරෝධතාව සඳහා සේවක සේවිකාවෝ බොහෝදෙනෙක් සහභාගි වී සිටියහ.

දේශීය ආදායම් දෙපාර්තමේන්තුවේ බදු එකතු කිරීමේ කාර්යය සඳහා දේශීය ආදායම් සේවයේ නිලධාරීන්ගේ පරිභාහිරව 'ආදායම් නිලධාරීන්' යනුවෙන් සේවක කොට්ඨාසයක් බඳවා ගැනීමට මුදල් අමාත්‍යවරයා විසින් තීරණයක් ගෙන ඇති බවද ඔවුහු එහිදී පවසා සිටියහ.

විරෝධතාවයට එක්වූවන් අවධාරණය කර සිටියේ, වහාම එම තීරණය හකුලා ගන්නා ලෙස මුදල් අමාත්‍යවරයාට බලකර සිටින බවයි.

ඡායාරූප - ඒශාන් ප්‍රනාන්දු