ආණ්ඩුවේ උපදේශකයෙක් වෙන්න අනුරට ආරාධනාවක්

හිටපු කෘෂිකර්ම ඇමතිවරයෙකු මෙන්ම, කෘෂි කර්මාන්තය පිළිබඳව අවබෝධයක් ඇති පුද්ගලයෙකු වශයෙන් ජනතා විමුක්ති පෙරමුණේ නායක අනුර කුමාර දිසානායක මහතාට කෘෂිකර්ම අමාත්‍යාංශය හා එක්ව වැඩ කිරීමට ආරාධනා කරන බව කෘෂිකර්ම අමාත්‍ය දුමින්ද දිසානායක මහතා පාර්ලිමේන්තුවේදී පැවැසීය.

කෘෂිකර්ම අමාත්‍යාංශය පිළිබඳ වැය ශිර්ෂයට අදාළ පාර්ලිමේන්තු විවාදයට එක්වෙමින් කෘෂිකර්ම අමාත්‍යවරයා මෙම ආරාධනාව කළේය. කෘෂිකර්මාන්තයේ ගැටලු පිළිබඳව පාර්ලිමේන්තුවේදී ප්‍රකාශ කිරීමෙන් පසුව අනුර කුමාර දිසානායක මහතාට මෙම ආරාධනාව කළේය.