අයහපත් කාලගුණය නිසා උඩරට දුම්රිය මාර්ගයේ රාත‍්‍රී තැපැල් දුම්රිය නවතී

අයහපත් කාලගුණයත් සමඟ දුම්රිය මාර්ගයට ගස් සහ පස් කඳු කඩා වැටීමේ අවදානමක් පැවතීම නිසා උඩරට දුම්රිය මාර්ගයේ රාත‍්‍රී තැපැල් දුම්රිය දෙකක් අවලංගු කර තිබේ.

රාත‍්‍රී 8 ට කොළඹ කොටුවෙන් ගමන් ආරම්භ කිරීමට නියමිත රාත‍්‍රී තැපැල් දුම්රිය සහ පස්වරු 5.45 ට බදුල්ලෙන් ගමන් ආරම්භ කිරීමට නියමිත තැපැල් දුම්රිය මෙලෙස අවලංගු කර තිබෙන අතර රාත‍්‍රී 8 ට කොළඹ කොටුවෙන් ගමන් ආරම්භ කොට නානුඔය දක්වා පමණක් විශේෂ දුම්රියක් ධාවනයට එක් කර තිබෙන බව වාර්තා වේ.