SLFP පාක්ෂිකයන් බහුතරයක් ගෝඨාටයි
ශ්‍රී ලංකා නිදහස් පක්‍ෂය තීන්දු කළත් නැතත් ශ්‍රී ලංකා නිදහස් පාක්ෂිකයන් බහුතරයක් ගෝඨාභය රාජපක්‍ෂ මහතාට සහාය ලබාදීමට තීරණය කර අවසන් බව ශ්‍රී ලංකා නිදහස් පක්‍ෂ උප සභාපති ඩිලාන් පෙරේරා මහතා සඳහන් කළේය.
හවුල් ආණ්ඩුවෙන් මුලින්ම ඉවත්වූ ශ්‍රී ලංකා නිදහස් පක්‍ෂ සාමාජිකයන් දහසය දෙනාගෙන් දහතුන් දෙනෙකු මේ වනවිට ගෝඨාභය රාජපක්‍ෂ මහතා සමග එකතු වී සිටින බවත්, ඉදිරියේදී තවත් දෙදෙනෙකු පැමිණීමට නියමිත බවත් ඒ මහතා පවසා සිටියේය.
මේ නිසා ශ්‍රී ලංකා නිදහස් පක්‍ෂය තුළ දැනට ඉතිරිව සිටින පිරිසත් ගෝඨාභය රාජපක්‍ෂ මහතාට සහාය ලබාදීමට තීරණය කළ යුතු බවත්, එහෙත් ශ්‍රී ලංකා නිදහස් පක්‍ෂය තුළ සිටින එක්සත් ජාතික පක්‍ෂ සාමාජිකයන් අදාළ තීරණය ගැනීම පමා කරමින් සිටින බවද 'අද' කළ විමසීමකදී ඩිලාන් පෙරේරා මහතා පැවසීය.
මීට පෙර නායකයන් ගත් තීරණ පාක්ෂිකයන් ක්‍රියාත්මක කළ බවත්, එහෙත් මේ වනවිට පාක්‍ෂිකයන්ගෙන් බහුතරයක් තීරණයක් ගෙන තිබෙන නිසා ශ්‍රී ලංකා නිදහස් පක්‍ෂය තුළ දැනට සිටින පිරිස් පාක්ෂිකයන් ගත් තීරණය ගතයුතු බවත් ඒ මහතා සඳහන් කළේය.
එසේම ඇතැම් ශ්‍රී ලංකා නිදහස් පක්‍ෂ සාමාජිකයන් ශ්‍රී ලංකා පොදුජන පෙරමුණේ සාමාජිකත්වය ලබාගෙන ගෝඨාභය රාජපක්‍ෂ මහතාට සහාය දක්වන බවත්, තවත් පිරිසක් ශ්‍රී ලංකා නිදහස් පක්‍ෂ සාමාජිකයන් ලෙස සිටිමින් සහයෝගය දක්වන බවත් උප සභාපතිවරයා වැඩිදුරටත් පවසා සිටියේය.
popular news
-
bandara Sunday, 18 August 2019 10:54 PM
මෙවන් කටක් තවත් ඇතිද ලෝකයේ
Reply : 0 0
Nandana Tuesday, 20 August 2019 01:37 PM
මුණ දැක්කම පිම්පියෙක් වගේ.
Reply : 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
