13 හැවිරිදි දරුවෙක් ගෙල වැලලාගෙන - දරුවන් ගැන වඩාත් සැලකිලිමත් වන්න

එරාවුර් පොලිස් වසමේ මාවඩිවෙම්බු 02, චෙන්කල්අඩි ලිපිනයේ පදිංචි දරුවෙකු ගෙල වැලලාගෙන ඇති බවට ලද පැමිණිල්ලක් මත විමර්ශන අරඹා ඇති බව එරාවුර් පොලීසිය පවසයි.

මරණකරු වයස අවුරුදු 13ක වන දයාබරන් සදිස්වරන් යන අය ලෙස හඳුනාගෙන ඇති අතර, පාසලේ සිසුන් හා පවුලේ සාමාජිකයන් අතර ඇති වූ අමනාපයකින් තම නිවසේ කාමරයක් තුළ මෙසේ ගෙල වැලලාගෙන ඇති බව පොලීසිය කියයි.

මෘත ශරීරය මේ වන විට චෙන්කල්අඩි රෝහලේ මෘත ශරීරාගාරයේ තැන්පත් කර ඇති අතර, පශ්චාත් මරණ පරීක්ෂණ අද (01දා) පැවැත්වීමට නියමිත බවත්, ඒ සම්බන්ධ වැඩිදුර විමර්ශන පවත්වාගෙන යන බවත් එරාවුර් පොලීසිය පවසයි.