2015 ජනවාරි 08 සිට අද දක්වා දින 1351ක් යහපාලන ආණ්ඩුව රට පාලනය කර තිබෙන බවත්, එම කාලය තුළදී ජනාධිපතිවරයා සහ අගමැතිවරයා ගැටුම් ඇති කර ගැනීම හේතුවෙන් රුපියල බාල්දු වී, ආණ්ඩුව මස්තබාල්දු වී තිබෙන බවත් ඒ මහතා ප්‍රකාශ කළේය.

විශ්වවිද්‍යාලවලට ඇතුළත් වීමේ ප්‍රමාදය වළක්වාගැනීමට බව පවසමින් මෙම කටයුත්ත සිදුකරන බව අධ්‍යාපන අමාත්‍යවරයා පවසන බවත්, එහෙත් පසුගිය වසරේ අගෝස්තු මාසයේ පැවැති උසස්පෙළ විභාගය සමත් පිරිස් මෙතෙක් විශ්වවිද්‍යාලවලට ඇතුළත් කරගෙන නොමැති බවත් එම සංගමයේ කැඳවුම්කරු ජෝසප් ස්ටාලින් මහතා සඳහන් කළේය.

සැකකරු අත්අඩංගුවට ගන්නා අවස්ථාවේ මෙරට නිෂ්පාදනය කරන ලද රජයේ අනුමත මත්පැන් බෝතල් 16 ක් පොලිස් භාරයට ගෙන තිබේ.

දේශීය තරුණ තරුණියන් පිරිසක් මේ ආකාරයෙන් ඉතාමත් අශෝභන ලෙස ඓතිහාසික පිදුරංගල ගලට නැග සීගිරි පව්ව පෙනෙන ආකාරයෙන් ඡායාරූප ගෙන සීගිරියට මෙන්ම පිදුරංගල රජමහා විහාරයටද අපහාස වන ආකාරයෙන් මෙම ඡායාරූප ලබාගැනීම සිදුකර ඇතැයි සමාජ මාධ්‍ය ජාල ඔස්සේ ප්‍රචාරය වෙමින් පවතී.

ප්‍රාදේශිය ලේකම් කොට්ඨාස රැසක වගාකර ඇති දෙමුහුන් වර්ගයේ මුරුංගා වගාවන්හි ඵලදාව වැඩිවීමට පවතින දැඩි අවුරශ්මිය බලපා තිබේ.

ඊයේ පස්වරුවේ මෝටර් රථයකින් පැමිණි තිදෙනෙකු විසින් එ‍සේ බැඳ දමා සිටි කුඩා වසුපැටියෙකු මෝටර් රථයට පටවමින් සිටින අයුරු ගම්මුන් දැක තිබෙන අතර, එම ස්ථානයට පැමිණි ගම්මුන් එළ ගවයන් සොරකම් කිරීමට පැමිණි දෙදෙනෙකු අල්ලා පොලීසියට භාරදී ඇති අතර, ඉන් එක් අයෙකු පැන ගොස් ඇත.

මෝදර, හේනමුල්ල කඳවුර අසලදී ඊයේ (23දා) සවස මෝදර පොලීසිය කළ සෝදිසි කිරීමකදී හොරයින් ළඟ තබාගෙන සිටි සැකකරුවෙකු අත්අඩංගුවට ගෙන තිබේ.

ඊයේ (23දා) සවස අයිස් වර්ෂාව සමග ඇතිවූ ටෝනාඩෝ තත්වයෙන් කහටගස්දිගිලිය ප්‍රාදේශිය ලේකම් කොට්ඨාශයේ මහවැව ග්‍රාම නිලධාරී බල ප්‍රදේශයේ නිවාස 20කටත් දිවුල් වැව ග්‍රාම නිලධාරී බල ප්‍රදේශය් නිවාස 10 කටත්, ටික්කම්පොතාන ග්‍රාම නිලධාරි ප්‍රදේශයේ නිවාස 03කටත්, කොහොඹගස්කඩ ග්‍රාම නිලධාරී බල ප්‍රදේශයේ නිවාස 10කටත්, පුංචි හල්මිල්ලෑව ග්‍රාම නිලධාරී බල ප්‍රදේශයේ නිවාස එකකටක් හානි සිදුව තිබෙන බව අපදා කළමණාකරණ ඒකකය පවසයි.

උහන පොලිස් වසමේ ලාතුගල ගෙනම්පන්න රක්ෂිතයේ පුරාවස්තු ලබාගැනීමේ අරමුණින් කැණීම් කරන ලද සිවු දෙනෙකු උහන පොලීසිය විසින් ඊයේ (23දා) සවස අත්අඩංගුවට ගෙන තිබේ.

හෝමාගම, මොරගහහේන පාරේ හල්ගහදෙණිය ප්‍රදේශයේදී අද (24දා) යතුරු පැදියක් වෑන් රථයක ගැටීමෙන් සිදු වූ අනතුරකින් තුවාල ලැබූ යතුරු පැදියේ ගමන්ගත් තරුණයන් දෙදෙනා ප්‍රතිකාර සඳහා හෝමාගම මූලික රෝහලට ඇතුළත් කිරීමෙන් පසුව, ඉන් එක් තරුණයෙකු ජීවිතක්‍ෂයට පත්ව ඇතැයි හෝමාගම පොලීසිය පවසයි.

දඹුල්ල ආර්ථික මධ්‍යස්ථාන වෙළෙඳ සංගමය තීරණය කොට තිබුණේ මෙම බිනර පොහෝ දිනයේ සිට දඹුල්ල ආර්ථික මධ්‍යස්ථානය සෑම පොහෝ දිනකම විවෘතව තැබීම සඳහාය.

වර්ෂාවත් සමඟ අද (24) අළුයම පාර්ලිමේන්තුවට යාබද ඩෙන්සිල් කොබ්බෑකඩුව මාවතේ පදික වේදිකාවේ කොටසක් ගිලා බැස ඇති බව වාර්තා වේ.

මාලදිවයින සහ ශ්‍රී ලංකාව අතර ඇති සබඳතා වඩාත් ඉහළ තලයකට රැගෙන ඒම සඳහා කටයුතු කරන බවද කියයි.

මෑතක සිට සමාජ ජාල වෙබ් අඩවි ඇතුළු සමාජයේ විවිධ ක්ෂේත්‍රවල කටුනායක ගුවන්තොටුපොළෙන් මෙරටට ගෙන එනු ලබන පලතුරු, ශාක සහ සතුන් පිළිබඳ වැඩි කතාබහක් ඇති වී තිබීම පිළිබඳ රේගු මාධ්‍ය ප්‍රකාශකවරයාගෙන් කරන ලද විමසීමකදී ඒ මහතා මේ බව පැවසීය.

දිවයිනේ පහළ වායුගෝලයේ පවතින කැළඹිලි ස්වභාවය හේතුවෙන් දිවයින පුරා බොහෝ ප්‍රදේශවල උදයවරුවේ හෝ සවස් කාලයේ වැසි හෝ ගිගුරුම් සහිත වැසි ඇතිවිය හැකි බව කාලගුණ විද්‍යා දෙපාර්තමේන්තුව නිවේදනයක් නිකුත් කරමින් සඳහන් කරයි.

මෙම කරුණු ඉදිරිපත් කිරීමට තම සංගමයේ ජ්‍යෙෂ්ඨ නීති උපදේශක ආචාර්ය ප්‍රතිභා මහනාම හේවා මහතා ස්විස්ටර්ලන්තයට ගොස් සිටින බවද එම සංගමයේ සභාපති රංජිත් විතානගේ මහතා සඳහන් කළේය.

ඊයේ (23) සවස 4.00න් අවසන් වූ පැය 48 කාලය තුළදී රිය අනතුරු හා ඝාතනය කිරීම් වෙනත් අනතුරු නිසා පුද්ගලයන් 13 දෙනෙකු මියගොස් තිබේ. මෙහිදී පුද්ගලික හෝටලයක ලීවලින් සකස් කළ බැල්කනියක් කඩා වැටීම නිසා චීන ජාතික තරුණියක් මියගොස් ඇත.

අධි අවදානම් කලාපවල පදිංචිව සිටින පවුල් වෙනුවෙන් ආරක්ෂිත ස්ථානවල නිවාස දසදහසක් ඉදිකිරීමට කටයුතු කරන බව ආපදා කළමනාකරණ අමාත්‍ය දුමින්ද දිසානායක මහතා සඳහන් කරයි. පෙරසවි නිවාස වශයෙන් සකස් කර ජනතාවට ලබාදීමට කටයුතු කරන බවද පවසා සිටියේය.

මෙම තත්ත්වය මත විදුලි ඒකක 90 කට අඩුවෙන් පරිහරණය කරන පාරිභෝගිකයන්ට සහනදායී මිලට එල්.ඊ.ඩී. විදුලි බල්බ ලබා ගැනීමට අවස්ථාව ලබා දෙන බවත්, මනු කියවන නිලධාරියා මගින් ඉදිරියේ එම බල්බ මිලදී ගැනීමට හැකිවන බවත් ඒ මහතා පැවසීය.

සීනි කිලෝවක බදු මුදල රුපියල් දාහතයි ශත පනහකින් ඉහළ දැමීමට පෙර ව්‍යාපාරිකයන් තිදෙනෙකු දින 45කට ආසන්න ප්‍රමාණයකට ප්‍රමාණවත් ලෙස සීනි ආනයනය කර තිබෙන බව ආනයනකරුවෝ පිරිසක් සඳහන් කරති.

බුදුරජාණන් වහන්සේ පස්වග මහණුන්ට ධර්මය දේශනා කොට බුද්ධත්වයෙන් පසු ලැබූ පළමු වස්සාන ඍතුව බරණැස් නුවර ඉසිපතනාරාමයේ වැඩ වාසය කළ අතර, මහා සංඝරත්නයේ බිහිවීමත්, ධර්ම ප්‍රචාරයේ ආරම්භයත් මේ කාළය තුළදී සිදු වී ඇති බවට පැරණි පොතපතෙහි සඳහන් වේ.

දේශීය බඩඉරිඟු ගොවියාගේ නිෂ්පාදන මිලදී නොගන්නා කිසිදු ආයතනයකට බඩඉරිඟු ආනයනයට අවසර නොදෙන බවට කෘෂිකර්ම අමාත්‍ය මහින්ද අමරවීර මහතා අවධාරණය කරයි. අමාත්‍යවරයා සදහන් කර සිටියේ මෙම වර්ෂය තුළ සමස්ත බඩඉරිඟු අවශ්‍යතාව මෙට්‍රික් ටොන් 3,10,012 වන අතර එසේම සත්ත්ව ආහාර වශයෙන් තවත් බඩඉරිඟු විශාල තොගයක් ආනයනය කිරීමට කටයුතු යොදා තිබුණද, දේශීය ගොවියා ආරක්ෂා කිරීම වෙනුවෙන් තමන් මෙම තීරණය ගත් බවයි.

පක්ෂයේ තරුණ කණ්ඩායම හා දෙවැනි පෙළ නායකයන් තුළ පක්ෂය ඉදිරියට ගැනීමට එකමුතුවක් තිබෙන බවත්, ඔවුන් අතර කිසිදු බෙදීමක් , වාදබේද හෝ මතවාද නැති බවත්,ඇමතිවරයා සඳහන් කළේය. බොහෝ කාලයක් දේශපාලනයේ නිරත වී සංවිධාන කටයුතු සිදු කර තමන්ට අත්දැකීම් තිබෙන බවත්, ඒ අනුව කටයුතු කිරීම නිසා පසුගිය මැතිවරණයේදී නුවරඑළිය දිස්ත්‍රික්කයේ බහුරතයක් දිනා ගැනීමට ලැබුණු බවත් පැවසූ දිසානායක මහතා පක්ෂය ජාතික මට්ටමින් සංවිධානය කිරීමේදී එවැනි ආකෘති සකස් කර ගත හැකි බව කියා සිටියේය.

වතුකම්කරුවන්ගේ ඉදිරි වසර දෙක සඳහා වැටුප් වැඩි කිරීම සම්බන්ධයෙන් වතු හාම්පුතුන්ගේ සංගමය හා වතු එකාබද්ධ වෘත්තීය සමිති අතර නව අවබෝධතා ගිවිසුමක් අත්සන් කිරිම සදහා මේ වන විට සාකච්ඡා වට කිහිපයක් පවත්වා තිබේ.

තීරු බදු රහිතව මේ රටට ගෙන්වන ලද විවිධ වර්ගයේ මත්පැන් අත්තිඩිය හතරවැනි පටුමගේ දෙමහල් නිවසක හොර රහසේ ගබඩා කර ඇණවුම් අනුව බෙදා හරින බවට එම ඒකකයට ලද රහසිගත තොරතුරකට කළ වැටලීමකදී සැකකරු හා අදාළ මත්පැන් බෝතල් තොගය අත්අඩංගුවට ගෙන තිබේ.

හබරාදූව, මාගල්ල ප්‍රදේශයේදී අද (23දා) සවස දුම්රියක මෝටර් රථයක් ගැටීමෙන් සිදු වූ අනතුරින් කුඩා දරුවෙකු මියගොස් තවත් පස් දෙනෙකු තුවාල ලබා තිබේ.

වාඩියගොඩ ගුරුගල්ඔය ජලාශයේ දිය නෑමට ගිය වයස අවුරුදු දාහතරක පාසල් සිසුවෙකු දියේ ගිලී අතුරුදහන් වී ඇති බව ගලහ පොලීසිය පවසයි.

හික්කඩුව තැපැල් කාර්යාලය ඉදිරිපිට ගාලු පාරේදී අද (23දා) පස්වරුවේ යතුරුපැදියකින් පැමිණි නාඳුනන පුද්ගලයන් දෙදෙනෙකු විසින් සිදු කළ වෙඩි තැබීමකින් පුද්ගලයකු ජීවිතක්ෂයට බත්ව ඇතැයි හික්කඩුව පොලීසිය පවසයි.

මෙරට වගා කෙරෙන බෝගවලින් වාර්ෂිකව 30%ත් 35%ත් අතර ප්‍රමාණයක් වනසතුන් විසින් විනාශ කෙරෙන බවට කෘෂිකර්ම අමාත්‍යාංශය විසින් සිදු කරන ලද පර්යේෂණවලින් හෙළිව තිබූ අතර සෑම වර්ෂයකදීම රටේ ශක්තිමත්ව වැඩ කරන ගොවීන්ගෙන් 80% කට වැඩි පිරිසක් වනඅලි ප්‍රහාරවලින් මියයන බවටද හෙළිව තිබිණි.