පාර්ලිමේන්තු මැතිවරණය මූලික කරගනිමින් රට පුරා කුඩා රැස්වීම් පහළොස්දහසක් පැවැත්වීමට කටයුතු කරන බව ශ්‍රී ලංකා නිදහස් පක්ෂය සඳහන් කරයි.

දේශපාලන පළිගැනීම් සොයා බලන ජනාධිපති කොමිසමට තමන් නියෝජනය කරන නීතීපති දෙපාර්තමෙන්තුවේ නිලධාරීන් සහභාගි කරවිය නොහැකි බව නීතීපති දප්පුල ද ලිවේරා මහතා එම කොමිසමට අද (22) ලිඛිතව දැනුම් දී ඇත.

හිටපු පාර්ලිමේන්තු මන්ත්‍රී හරින් ප්‍රනාන්දු විසින් අගරදගුරු අතිඋතුම් මැල්කම් කාදිනල් රංජීත් හිමිපාණන් සම්බන්ධයෙන් සිදුකළ ප්‍රකාශය ගැන කොළඹ අගරදගුරු වසමේ සහයක රදගුරු හිමිපාණන් ප්‍රමුඛ කතෝලික පුජක සංසදය නිවේදනයක් නිකුත් කොට තිබේ.

හිටපු පාර්ලිමේන්තු මන්ත්‍රී හරින් ප්‍රනාන්දු විසින් ඊයේ දේශපාලන රැස්වීමක් අතරතුර සිදුකළ ප්‍රකාශය සම්බන්ධයෙන් අතිඋතුම් මැල්කම් කාදිනල් රංජිත් හිමිපාණන්ගෙන් තමා සමාව අයදින බව සමගී ජනබල වේගය පක්ෂයේ නායක සජිත් ප්‍රේමදාස ප්‍රකාශ කරයි.

පොළොන්නරුව දස අවුරුදු සැලැස්මක් දැනටමත් නිර්මාණය කර අවසන් බවත් පාස්කු ප්‍රහාරය සැලසුම් කළේ මත්ද්‍රව්‍ය විරෝධී සටන නැවැත්වීමට බව හිටපු ජනපති මෛත්‍රීපාල සිරිසේන මහතා පවසයි.

ගමේ ජනතාවගේ නිෂ්පාදනයන් අපනයනය කිරීම තුළින් ගමේ ජනතාවට අතමිට සරු අනාගතයක් සැකසීම උදෙසා රජය දැනටමත් නව වැඩපිළිවෙලක් ආරම්භ ඇතැයි ශ්‍රී ලංකා පොදුජන පෙරමුණේ නායක අග්‍රාමාත්‍ය මහින්ද රාජපක්ෂ මහතා පවසයි.

මැතිවරණයේදී අපේක්ෂකයන්ට සිය කාර්යාලයේ සහ රැස්වීමක් පැවත්වෙන ස්ථානයේ හැර ඉන් පිටත කිසිදු ස්ථානයක පෝස්ටර්, කටවුට් හා බැනර් ප්‍රදර්ශනය කළ නොහැකි බවට මැතිවරණ කොමිසමේ සභාපති මහින්ද දේශප්‍රිය මහතා පවසා සිටියේය.

කොවිඩ් - 19 වසංගත තත්ත්වය හේතුවෙන් සමාජ දුරස්ථභාවයට අදාල රෙගුලාසි තවදුරටත් ක්‍රියාත්මක වුවහොත් නව වැනි පාර්ලිමේන්තුවේ කාරක සභා රැස්වීම් ඩිජිටල් තාක්ෂණය ඔස්සේ ඔන්ලයින් ක්‍රමයට සිදු කිරීමට මේ වන විට සැලසුම් කරමින් තිබේ.

අපරාධ මැඩ පැවැත්වීම සඳහා පොලීසිය හා පොලිස් විශේෂ කාර්ය බළකාය එක්ව සිදුකරන මෙහෙයුමවලට අදාළව අද උදෑසන අවසන් වූ පැය 24 තුළ අපරාධ කල්ලි සාමාජිකයන් 8ක් අත්අඩංගුවට ගත් බව පොලිස් නීති කොට්ඨාසයේ අධ්‍යක්ෂ ජ්‍යෙෂ්ඨ පොලිස් අධිකාරී රුවන් ගුණසේකර මහතා පැවැසීය.

වනජීවී දෙපාර්තමෙන්තුවේ තිබු අලි ලියාපදිංචි කරන පොත කූඨ ලෙස වෙනස් කොට බලපත‍්‍ර නොමැති අලි පස්දෙනෙකු ළඟ තබා ගත් බවට චෝදනා ලැබ සිටි වනජීවී දෙපාර්තමෙන්තුවේ අලි ඇතුන් ලියාපදිංචි අංශය බාරව සිටි ලිපිකාරිණීය හා ඇත්ගොව්වන් තිදෙනෙකු විත්ති වාචක නොකැඳවාම නිදොස් කොට නිදහස් කිරීමට ත‍්‍රිපුද්ගල මහාධිකරණ විනිසුරු මඩුල්ල අද (22) නියම කළේය.

පසුගිය වසරේ අප්‍රේල් 21 දා එල්ල වූ පාස්කු ප්‍රහාරය පිළිබඳව කරන විමර්ශන අවසන් අදියරට පැමිණ ඇති බව පොලිස් මාධ්‍ය ප්‍රකාශක පොලිස් අධිකාරී ජාලිය සේනාරත්න මහතා පැවැසීය.

අපරාධකල්ලි කිහිපයක් ක්‍රියාත්මක ප්‍රදේශයක් වන රත්මලානේ අපරාධ කල්ලි මැඩ පැවැත්වීටම සඳහා පොලිස් විශේෂ කාර්ය බළකාය යොදවා ඇති බවත් පොලිස් නීති කොට්ඨාසයේ අධ්‍යක්ෂ ජ්‍යෙෂ්ඨ පොලිස් අධිකාරී රුවන් ගුණසේකර මහතා පැවැසීය.

අද කොළඹදී පැවැති මාධ්‍ය හමුවකදී ඔහු සඳහන් කළේ කරුණා අම්මාන් නීතියට ගරු කරමින් ප්‍රකාශය සටහන් කර ගැනිමට අපරාධ පරීක්ෂණ දෙපාර්තමේන්තුවට පැමිණෙන ඇති බවයි.

කිලිනොච්චිය පලෙයි වෙම්බඩිකේලි ප්‍රදේශයේ ටී.එන්.ටී. වර්ගයේ පුපුරණද්‍රව්‍ය කිලෝ 4 ග්‍රෑම් 500 ක් රැගෙන යමින් සිටියදී අද (22) උදෑසන අත්අඩංගුවට ගත් බවට පලෙයි පොලීසිය පවසයි.

ඡන්දය ප්‍රකාශ කිරීමේ කාලය දීර්ඝ කරන්නේ නම් එය උදෑසන සහ පස්වරුවේ විනාඩි 30 බැගින් වැඩිකළ යුතු බව කැෆේ සංවිධානය මැතිවරණ කොමිසමට යෝජනා කරයි.

කොළඹ සිට මන්නාරම දක්වා ධාවනය වූ ශීඝ්‍රගාමී දුම්රියකට මඩු පෙරියකාඩු ප්‍රදේශයේදී පුද්ගලයෙකු පැන අද (22) උදෑසන සියදිවි හානිකරගෙන ඇති බවට මඩු පොලීසිය පවසයි.

හංවැල්ල ඇඹුල්ගම ප්‍රදේශයේදි තියුණු අයුධ හා ව්‍යාජ පිස්තෝල ගිනි අවියක් හා මත්ද්‍රව්‍ය සමඟ පතාල සාමාජිකයෙකු ඇතුළු පුද්ගලයින් තිදෙනෙකු ඊයේ (21) අත්අඩංගුවට ගත් බව පොලිස් විශේෂ කාර්ය බලකාය පවසයි.

කොවිඩ් 19 ආසාදනය වී රෝහල්ගතව ප්‍රතිකාර ලැබූ තවත් රෝගීන් 28ක් සුවය ලැබීමෙන් අනතුරුව රෝහල්වලින් පිටව ගොස් තිබේ.

විනයාගමූර්ති මුරලිදරන් නොහොත් කරුණා අම්මාන් බලය වෙනුවෙන් සිංහල හා දමිළ ජනතාව රවටමින් තිබෙන බවත් මැතිවරණ කාලයේදී ජාතිවාදය අවුස්සන බවත් ජතික ජනබලවේගයේ මහනුවර කණ්ඩායම් නායක කේ.ඩී. ලාල්කාන්ත මහතා පැවැසීය.

අගෝස්තු පස්වෙනිදා පැවැත්වීමට නියමිත මහ මැතිවරණයේදී රත්නපුර පරිපාලන දිස්ත‍්‍රික්කයේ තැපැල් ඡන්දය සඳහා අයදුම් කළ තැපැල් ඡන්ද අයදුම්පත් 1533ක් විවිධ අඩුපාඩු හේතුවෙන් ප්‍රතික්ෂේප කළ බව රත්නපුර දිස්ත‍්‍රික් තේරිම්භාර නිලධාරීනි මාලනී ලොකුපෝතාගම මහත්මිය පැවසුවාය.

අවුරුදු 9ක් තුල පරික්ෂණ පවත්වන්නේ නැතුව මාධ්‍ය මගින් ක්‍රිඩකයින්ට චෝදනා කිරිම හෙළා දකින බව නුවරඑළිය දිස්ත්‍රික් හිටපු පාර්ලිමෙන්තු මන්ත්‍රි වි.රාධාක්‍රිෂ්ණන් මහතා පවසයි.

මේ වසරේ මාර්තු 16 සහ ජුනි 30 වන දා දක්වා කාලය තුළදී වලංගු කාලය අවසන් වන සෑම රියදුරු බලපත්‍රයකම වලංගු කාලය එය අවසන්වීමට නියමිත දිනයේ සිට මාස 6කින් දීර්ඝ කිරීමට මෝටර් රථ ප්‍රවාහන දෙපාර්තමේන්තුව තීරණය කර ඇත.

යාපනය ස්ටැන්ලි මාර්ගයේ අත්තියඩි මංසන්ධියේදී නීතිවිරෝධී අයුරින් කසල බැහැර කල අයෙකුට නීතිය ක්‍රියාත්මක කිරීමට පියවර ගත් මහජන සෞඛ්‍ය පරික්ෂක වරයෙකුට පහරදීමෙන් තුවාල ලබා ඊයේ (21) දින රෝහල්ගත කොට ඇත.

කෝව්ඩි 19 වසංගත තත්ත්වය හේතුවෙන් මාර්තු මස 17 වන දින සිට තාවකාලිකව අත්හිටුවනු ලැබු ජාතික හැදුනුම්පත් නිකුත් කිරිමේ එක්දින සේවය අද (22) සිට යළි සිය රාජකාරි ආරම්භ කරන බව පුද්ගලයින් ලියාපදිංචි කිරිමේ දෙපාර්තමේන්තුව සඳහන් කරයි.

කිසියම් බන්ධනාගාරයක නිලධාරියෙකු අක‍්‍රමිකතාවක් සිදුකරන්නේ නම් ඒ පිළිබද තමන්ට දැනුම් දෙන ලෙස බන්ධනාගාර කොමසාරිස් ජනරාල් තුෂාර උපුල්දෙණිය සියලු බන්ධනාගාර නිලධාරීන්ගෙන් ඉල්ලා සිටියි.

කොවිඩ් - 19 වෛරසය ආසාදනයවී රෝහල් ගතව ප්‍රතිකාර ලැබූ තවත් නාවික හමුදා රණවිරුවන් 12 දෙනෙකු වෛරසය ශරීර තු නොමැති බවට සිදු කල පීසීආර් පරීක්‍ෂණ මගින් තහවුරු කර ගැනීමෙන් අනතුරුව 2020 ජුනි මස 21 වන දින එම රෝහල් වෙතින් මුදා හැරීමට කටයුතු කර ඇත.

අගරදගුරු තනිකර දේශපානය කිරීම ගැන මට හිරිකිතයක් තිබෙනවා. එයා කිව්වා ඇමතිපුතා බේරුණා අපේ ජනතාව මැරුණා කියලා. මම දවසක් එයාට කෝල් කළා. ඒ තමයි සියයට 5 ගේම ඇතුළේ හිටපු මිනිස්සු. අද මොකද වුණේ ස්වාභාව ධර්මය කම්පා වෙලා තියෙන්නේ.

මන්නාරම යාපනය ප්‍රධාන මාර්ගයේ තල්ලඩි ප්‍රදේශයේ පිහිටා තිබූ ගණපති හින්දු කෝවිලකට ඊයේ (21) සවස කිසියම් පිරිසක් විසින් හානි කොට පළා ගොස් ඇති බවට මන්නාරම් පොලීසිය පවසයි.

එල්.ටී.ටී.ඊ. සංවිධානය තුළ සිටියදී තමන් කළ අපරාධ පිළිබඳව හිටපු නියෝජ්‍ය අමාත්‍යවරයෙක් වූ විනයාගමූර්ති මුරලිදරන් හෙවත් කරුණා අම්මාන් කළ ප්‍රකාාශය පිළිබඳව වහාම පරීක්ෂණයක් පවත්වන ලෙස වැඩබලන පොලස්පතිවරයා විසින් අපරාධ පරික්ෂණ දෙපාර්තමේන්තුට නියෝග කර තිබේ.