ඡන්දය ප්‍රකාශ කිරීම සඳහා ඡන්ද මධ්යිස්ථානවලට පැමිණි සියලු ඡන්ද දායකයින්ට විශේෂයෙන් ස්තුතිවන්ත වන බව මැතිවරණ කොමිසමේ සභාපති මහින්ද දේශප්‍රිය මහතා සඳහන් කරයි.

රත්නපුර දිස්ත‍්‍රික්කයට ශ‍්‍රී ලංකා පොදුජන එක්සත් පෙරමුණෙන් තරග කරන ඡන්ද අපේක්‍ෂකයන් පස් දෙනෙකුගේ පෝස්ටර්, බෙදාහැරීම සඳහා රැගෙන යමින් සිටි පුද්ගලයන් පස් දෙනෙක් සහ ඒවා ප‍්‍රවාහනය කළ වාහන දෙකක් 05දා ඇඹිලිපිටිය සූරියකන්ද මාර්ගයේ කෑල්ල හන්දියේ පොලිස් මාර්ග බාධකයේදී අත්අඩංගුවට ගත් බව කොළොන්න පොලීසිය කියයි.

පොදුජන පෙරමුණේ මාතර දිස්ති‍්‍රක් අපේක්ෂක ඩලස් අලහප්පෙරුම මහතා මාතර, දික්වැල්ල , රදමිපොල ශි‍්‍ර සුමංගල මධ්‍යමහා විද්‍යාලයේදි ජන්දය ප‍්‍රකාශ කළේය.

තවත් කෝවිඩ් - 19 ආසාදිතයින් 4ක් හඳුනා ගැනීමත් සමග මෙරට කෝවිඩ් - 19 ආසාදියින් ගණන 2838ක් දක්වා ඉහල යයි.

2020 පාර්ලිමේන්තු මැතිවරණය සඳහා ජනාධිපති ගෝඨාභය රාජපක්ෂ මහතා අද (05) පෙරවරුවේ නුගේගොඩ, පැඟිරිවත්ත, ශ්‍රී විවේකාරාම විහාරස්ථානයේ දී සිය ඡන්දය ප්‍රකාශ කළේය.

මැතිවරණ දේශපාලනයෙන් සමුගත් හිටපු අමාත්‍ය මංගල සමරවීර මහතා රට ගොඩනැගීම සඳහා රැඩිකල් මැද මාවතක් යෝජනා කරමින් හෙට (අගෝස්තු 06) යළි ප්‍රසිද්ධ දේශපාලනයට අවර්තිර්ණ වීමට නියමිත බව ඔහුගේ සමාජ මාධ්‍ය ගිණුම් හරහා ප්‍රකාශ කරයි.

09 පාර්ලිමේන්තුව සඳහා පැවති මහ මැතිවරණයේ ඡන්ද විමසීම මීට සුළු මොහොතකට පෙර අවසන් විය.

ඡන්ද ගණන් කිරිම අවස්ථාවේ දී පිළිගත් දේශපාලන පක්ෂ වල හා ස්වාධින කණ්ඩායම්වලට නිරික්ෂණය කිරිමේ අවස්ථාව ලබාදී තිබෙන බවත්,එම නියෝජිතයින්ට කල් වේලාව ඇතිව එම ස්ථානවල පැමිණිය යුතු බව තේරිම්භාර නිලධාරී, කොළඔ දිස්ත්‍රික් ලේකම් ප්‍රදීප් යසරත්න මහතා පවසයි.

මීගොඩ 20 කණුව සෝමානන්ද මාවතේදී කොළඹ දිස්ත්‍රික්කයට ශ්‍රී ලංකා පොදුජන පෙරමුණෙන් තරග වදින අපේක්ෂකයෙකුට ඡන්දය ලබා ලබා දෙන්නට ඉල්ලා කුඩා කාඩ් පත් සහ පත්‍රිකා බෙදමින් සිටි සිවු දෙනෙක් සමඟ අත්අඩංගුවට ගත් බව මීගොඩ පොලිසිය කියයි.

ශ්‍රී ලංකා පොදුජන පෙරමුණ නිර්මාතෘ බැසිල් රාජපක්ෂ මහතා අද පස්වරුවේ මැදමුලන ඩී. ඒ. රාජපක්ෂ මහා විද්‍යාලයේ දී සිය ඡන්දය ප්‍රකාශ කළේය.

දිවයිනේ නිරිත දිග ප්‍රදේශවල වැසි තත්ත්වයේ වැඩි විමක් ඉදිරි අද (5) රාත්‍රී කාලයේ සිට ඉදිරි දින කිහිපයේදි අපේක්ෂා කළ හැකි බව කාලගුණ විද්‍යා දෙපාර්තමේන්තුව සඳහන් කරයි.

2020 පළමු කාර්තුවේදී ශ්‍රී ලංකාවේ ආර්ථික වර්ධනය සෘණ වී ඇතැයි ජන හා සංඛ්‍යා ලේඛන දෙපාර්තමේන්තුව සඳහන් කරයි. ඒ අනුව එම කාර්තුවේ ශ්‍රී ලංකාවේ ආර්ථික වර්ධනය සියයට 1.6ක සෘණ අගයක් වාර්තා වෙන බව ඔවුන් නිකුත් කළ නවතම වාර්තාවක දැක්වෙයි.

පස්වරු 2.00 වන විට ඇතැම් දිස්ත්‍රික්කවල ඡන්දය ප්‍රකාශ කිරීම සියයට 60ද ඉක්මවා තිබුණි.

මැතිවරණයේ ඡන්ද විමසීම ආරම්භ වූ අවස්ථාවේ සිටමේ දක්වා කිසිදු බරපතල සිදුවීමක් වාර්තා නොවුණු බව පොලිස් මාධ්‍ය ප්‍රකාශක,ජේෂ්ඨ පොලිස් අධිකාරි ජාලිය සේනාරත්න මහතා සඳහන් කර සිටියි

ලෙබනනයේ බීරූට්හි සිදුවූ පිපිරීමෙන් ශ්‍රී ලාංකිකයන් දෙදෙනෙක් තුවාල ලබා ඇතැයි බීරූට්හි ශ්‍රී ලංකා තානාපති කාර්යාලය සඳහන් කරයි. මේ සම්බන්ධයෙන් වැඩිදුර තොරතුරු එරට මහජන සෞඛ්‍ය අමාත්‍යාංශයෙන් ලබාගැනීමට අපේක්ෂා කරන බවද තානාපති කාර්යාලය පවසයි.

කලුතර දිස්ත්‍රික් එක්සත් ජාතික පක්ෂ අපේක්ෂක පාලිත තෙවරප්පෙරුම මැතිවරණ නීති උල්ලංඝණය කරමින් රථ වාහන පෙලපාලි සංවිධානය කරමින් නොසන්සුන්කාරීව හැසිරෙමින් සිටින බව වාර්තා වෙයි

දහවල් 2 වන විට දිස්ත්‍රික්ක කිහිපයක ප්‍රකාශිත ජන්ද මට්ටම් කොළඹ 51%, කළුතර 60%, මහනුවර 55%, ගාල්ල 55%, වන්නි 56% ලෙස අද දහවල් 02 වන විට ජන්දය ප්‍රකාශයට පත්ව ඇත.

කැබ් රථයකින් සැරිසරමින් සමගි ජන බලවේගය අපේක්ෂක ජගත් පින්නගොඩ මහතාගේ රුව සහ අංකය සඳහන් කුඩා කාඩ්පත් මාර්ගයේ තැනින් තැන දමා යමින් සිටි පුද්ගලයන් සිව් දෙනෙක් අත්අඩංගුවට ගත් බව කළුතර උතුර පොලිසිය කියයි .

2020 මහ මැතිවරණය වෙනුවෙන් ශ්‍රී ලංකා පොදුජන පෙරමුණ යටතේ ඡන්දය ඉල්ලා සිටි මහින්ද අමරවීර මහතා අද 05 වනදා පෙරවරු 11 ට පමණ අගුණුකොළපැලැස්ස මහානාග විද්‍යාලයේදී ඡන්දය ප්‍රකාශ කරන ලදී.

තවත් කෝවිඩ් -19 ආසාදිතයින් 13 දෙනෙක් පූර්ණ සුවය ලබා ඇතැයි සෞඛ්‍ය අමාත්‍යාංශය සඳහන් කරයි.

2020 මහමැතිවරණය වෙනුවෙන් බදුල්ල දිස්ත්‍රික්කයේ මහියංගණ ඡන්ද බල ප්‍රදේශය තුල 2020 මහමැතිවරණය වෙනුවෙන් ඡන්ද මධ්‍යස්ථාන 76ක් තුළදි ඡන්දය ප්‍රකාශ කිරීමේ කටයුතු සිදු වන ආකාරය දැඩි උනන්දුවකින් සිදුවන ආකරය දැකිය හැකි වු අතර දඹාන ආදිවාසින් හා මැති ඇමතිවරුද හිටපු පාර්ලිමේන්තු මන්ත්‍රිවරු ඒ අතර වේ.

අද මධ්‍යාහ්න 12.00 වන විට පොලොන්නරුව දිස්ත්‍රික්කය තුළ ඡන්දය ප්‍රකාශ කිරීමේ ප්‍රතිශතය සියයට 28 -29ත් අතර අගය පැවැතී තිබේ.

අද මධ්‍යහන 12 වන විට දිස්ත්‍රික්ක කිහිපයක ප්‍රකාශිත ජන්ද ප්රිතිශත අගය සියයට 34ත් අතර අගයක් ගෙන ඇති බව දිස්ත්‍රික්ක තේරිම් භාර නිලධාරින් සඳහන් කර සිටියි.

ජාතික ජන බලවේගයෙන් බදුල්ල දිස්ත්‍රික්කය සදහා තරග වදින සමන්ත විද්‍යාරත්න මහතා රිදිමාලියද්ද මධ්යක මහා විද්‍යාලයේදී පමණ ඡන්දය ප්‍රකාශ කරන ලදී.

වවුනියාව දිස්ත්‍රික්කය තුළ ඊයේ (04) දිනය නිමා වන විට මැතිවරණ නීති උල්ලංඝනය කිරීමේ සිදුවීම් 128 වාර්තා වී ඇති බවට වන්නි දිස්ත්‍රීක් තේරීම් භාර නිලධාරී සමන් බන්ධුල සේන මහතා පවසා සිටියේය.

පුත්තලම දිස්ත්‍රික්කයේ ඡන්ද ප්‍රතිශතය දහවල් 12.30 වනවිට 35% ඉක්මවූ බව පුත්තලම තේරීම් භාර නිලධාරි හා දිස්ත්‍රික් ලේකම් චන්ද්‍රසිරි බංඩාර මහතා පවසයි.

අද පෙරවරු 11.00 වන විට දිස්ත්‍රික්ක කිහිපයක ප්‍රකාශිත ජන්ද ප්‍රතිශතය අගය සියයට 25-30ත් අතර අගයක් ගෙන ඇති බව දිස්ත්‍රික්ක තේරිම් භාර නිලධාරින් සඳහන් කර සිටියි.

සංවිධානාත්මක අපරාධ කල්ලි සාමාජික ‘‘කෙසෙල්වත්තේ දිනුක’’ නමැත්තාගේ සමීපතමයෙකු කැළණිය වටරවුම ප‍්‍රදේශයේදී අත්අඩංගුවට ගෙන තිබේ.

ජාතික ජන බල වේගයේ කළුතර දිස්ත්‍රික්ක අපේක්ෂක හිටපු පාලිමේන්තු මන්ත්රීා වෛද්යී නලින්ද ජයතිස්ස මහතා අගලවත්ත පිඹුර ප්‍රාථමික විදුහලේදී ඡන්දය ප්‍රකාශ කරයි.