වසර ගණනාවක් තිස්සේ අතහැර දමා තිබූ ජාතික ශිල්ප සභාවට අයත් සීගිරිය හස්ත කර්මාන්ත ගම්මානය නැවතත් ආරම්භ කොට විදේශීය වෙළඳපලට සරිලන පරිදි සංවර්ධනය කිරීමට පියවර ගන්නා බව වේවැල් පිත්තල මැටි ලී බඩු සහ ග්‍රාමිය කර්මාන්ත ප්‍රවර්ධන රාජ්‍ය අමාත්‍ය ප්‍රසන්න රණවීර මහතා පැවසීය.

දිවයින හරහා සුළං වේගයේ සහ නිරිත දිග ප්‍රදේශවල වැසි තත්ත්වයේ තාවකාලික වැඩිවීමක් අද (18) දින සිට සැප්තැම්බර් 21 දක්වා අපේක්ෂා කළ හැකි බව කාලගුණ විද්‍යා දෙපාර්තමේන්තුව පවසයි.

ගෝලීය වශයෙන් නව කොරෝනා වෛරසය ආසාදිත මරණ සංඛ්‍යාව 943,500 පසුකර ඇති අතර, ඉදිරියේදී විවෘත කරන්නේ බාර්ද, පාසල්ද යන්න තෝරාගත යුතු බව ලෝක සෞඛ්‍ය සංවිධානය රටවලට පවසයි.

විදේශ ගමන් බලපත්‍රය හා රජයට අවශ්‍ය රහස් ලේඛන රජයේ මුද්‍රණ දෙපාර්තමේන්තුව වෙතින් මුද්‍රණය කර සැපයීම වෙනුවෙන් රජයේ අවධානය යොමුව තිබේ.

මාධ්‍යවේදී ප‍්‍රගීත් එක්නැළිගොඩ සිරකර තැබීම සඳහා පැහැරගෙන යෑමට කුමන්ත‍්‍රණය කළ බවට චෝදනා ලැබ සිටින යුද හමුදා ලූතිනන් කර්නල්වරුන් දෙදෙනෙකු ඇතුළු හමුදා බුද්ධි නිලධාරීන් 07 දෙනාට එරෙහි නඩුවේ සාක්කි දීම සඳහා අධිකරණයේ පෙනී නොසිට දේශපාලන පළිගැනීම් කොමිසම හමුවේ පෙනී සිටි බව කියන සාක්කිකරු ඇප මත මුදාහැරීමට විශේෂ ත‍්‍රිපුද්ගල මහාධිකරණ විනිසුරු මඩුල්ල නියම කළේය.

තමා නිරීක්ෂණය කර ඇති පරිදි රටටම ඇති පොදු ප්‍රශ්නය කිසිවෙකු වැඩ නොකිරීම බව ජනාධිපති ගෝඨාභය රාජපක්ෂ කියා සිටී. රාජ්‍ය, පෞද්ගලික දෙඅංශයේම දක්නා මන්දගාමී ක්‍රියාකාරිත්වය කණගාටුවට කරුණක් යයි ජනපති සඳහන් කරයි.

19 වැනි සංශෝධනය තුළ පැවති සාධනීය ලක්ෂණ කිසි ලෙසකින් ඉවත් නොකරන බව සම කැබිනට් ප්‍රකාශක,ජනමාධ්‍ය අමාත්‍ය කෙහෙළිය රඹුක්වැල්ල පවසයි.

අනුරාධපුර නව නගරයේ පිහිටි දිවයිනේ ප්‍රසිද්ධ මූල්‍ය සමාගමක ශාඛාවක කලමනාකරු වශයෙන් කටයුතු කල නිලධාරියෙකු අද (17දා) කොළඹ කොටුවේ සිට යාපනය දක්වා ධාවනයවු යාල්දේවි ශිඝ්‍රගාමි දුම්රියට පැන දිවි නසාගෙන ඇති බව පරසන්ගස්වැව පොලිසිය පවසයි.

පසුගිය මහ මැතිවරණයේදි මාතලේ දිස්ත්‍රික්කයෙන් සමඟි ජන බලවේගයට ලැබුණු මනාප ඡන්ද නැවත ගණනය කරන ලෙස ඉල්ලා හිටපු පාර්ලිමේන්තු මන්ත්‍රී රංජිත් අලුවිහාරේ ගොනුකළ පෙත්සමේ වගඋත්තරකරුවන්ට නොවැම්බර් 5නදා අභියාචනාධිකරණය හමුවේ පෙනි සිටින ලෙසද අද නොතිසි නිකුත් කරනු ලැබීය.

සංවිධානාත්මක අපරාධ කල්ලි නායක මාකදුරේ මධූෂ් නමැත්තාගේ සමීපතම ගෝලයකු වූ පාදාගොඩ ආමි ශිවා නමින් හදුන්වන සැකකාර විශ්‍රාමික හමුදා සැරයන් මේජර්වරයකු නීති විරෝධි ගිනි අවි ,අත් බෝම්බ ඇතුලු රජයේ ආරක්ෂක හමුදාවට අයත් උපකරණ සමග අද (17) සවස අලුත්ගම පාදාගොඩදී කලුතර කොට්ඨාස විෂ මත්ද්‍රව්‍ය ඒකකයේ නිලධාරීන් කණ්ඩායමක් විසින් අත්අඩංගුවට ගත් බව කියයි .

යහපාලන රජය 19 වන සංශෝධනය ගෙන ආවේ රටට යහපතක් කිරීමේ පරමාර්ථයෙන් නොව එවකට ජනාධිපති මෛත්‍රීපාල සිරිසේන මහතා සතු බලතල සීමා කොට රනිල් වික්‍රමසිංහ මහතාගේ බලය තහවුරු කර ගැනීමට බව ග්‍රාමීය මාර්ග හා අවශේෂ යටිතල පහසුකම් රාජ්‍ය අමාත්‍ය නිමල් ලාන්සා මහතා පැවසීය.

මෙරට කොරෝනා ආසාදිතයින් සංඛ්‍යාව 3174 දක්වා ඉහළ ගෝ තිබේ.

සියඹලාණ්ඩුව පොලිස් බල ප්‍රදේශයට අයත් හෙලමුල්ල ප්‍රදේශයේ වනඅලින් පැනවිම සදහා ගිය වනජිවි නිලධාරියෙක් වනඅලි ප්‍රහාරයකට ලක් විමෙන් මිය ගොස් ඇත.

මෙරට වැඩ වාසය කරන ස්වාමින් වහන්සේලා 40,000කට අධික පිරිසක් වෙනුවෙන් අවශ්‍ය කරන නියමාකර ප්‍රමිතියෙන් යුතු සිවුරු, වසරකට ලක්ෂයකට අධික ප්‍රමාණයක් අවශ්‍ය බවත් ඒ අවශ්‍යතාවෙන් වැඩි ප්‍රමාණයක් සපුරාලන්නේ ආනයනික සිවුරු වලින් බවත් අද (17) කර්මාන්ත අමාත්‍යංශයේ පැවති සාකච්ච්ජාවකදී පැවසිණි.

යාපනය දිස්ත්‍රික්ක කාර්යාලයේ කෘෂිකර්ම අමාත්‍ය මහින්දානන්ද අළුත්ගමගේ ප්‍රධානත්වයෙන් සෞභාග්‍යයේ දැක්මේ කෘෂිකාර්මාන්ත පිබිදීම නැමති සාකච්ඡාවක් පවත්වන ලදි. මෙහිදී කෙසෙල්, ලොකු ලූණු, පොඩි ලූණූ, උළුදු හා කජු වැනි භෝග වර්ග වලට ස්වාභාවික ආපදා වලින් හානි සිදු වු විට වන්දි ලබා දීමට රජය තීරනය කර ඇති බවත් මේ පිළිබදව කැබිනට් මණ්ඩලය දැනුවත් කිරීම අමාත්‍ය ඩග්ලස් දේවානන්දා විසින් සිදු කර ඇති බවත් එම ඉල්ලීම පිළිගත් කැබිනට් මණ්ඩලය අවශ්‍ය කටයුතු සිදු කරමින් පවතින

තේ දළු නෙලමින් සිටි වතු කම්කරුවන් පිරිසකට එල්ල වු බඹර ප්‍රහාරයකින් තුවාල ලැබු වතු කම්කරුවන් 8 දෙනෙකු (17) දින බගවන්තලාව ප්‍රාදේශිය රෝහල වෙත ඇතුලත් කර ඇති බව බගවන්තලව ප්‍රාදේශිය රෝහලේ දිස්ත්‍රික් වෛද්‍යය නිලධාරි ඒ.එස්.කේ.ජයසුරිය පැවසිය.

සෑම වසරකම සැප්තැම්බර් මස 17 දින ජාත්‍යන්තර රෝගීන්ගේ සුරක්ෂිතතා දිනය ලෙස සැමරීමට ලෝක සෞඛ්‍ය සංවිධානය විසින් 2019 වසරේ පැවති 72 වන සමුළුවේදී තීරණය කරන ලදී.

බුස්ස බන්ධනාගාරයේ නිරෝධායනය වෙමින් සිටි රැදවියන් 174 දෙනෙකු අද (17) පි.සි.ආර්. පරික්ෂණවලට යොමු කළ බැව් ගාල්ල දිස්ත්‍රික් ප්‍රාදේශිය වසංගත රෝග විද්‍යාඥ වෛද්‍ය වෙනුර කේ සිංගාරච්චි මහතා පවසයි.

ග්‍රීක ජාතිකයෙකු වන ’නිව් ඩයමන්ඩ්’ හි කපිතාන්වරයාට සැප්තැම්බර් 28 වන දින කොළඹ කොටුව මහේස්ත්‍රාත් අධිකරණය හමුවේ පෙනී සිටින ලෙස නොතීසි නිකුත් කර තිබේ.

හිටපු අමාත්‍ය පාඨලි චම්පික රණවක ඇතුළු විත්තිකරුවන් තුන්දෙනෙකුට එරෙහිව නීතිපතිවරයා ගොනුකර තිබෙන නඩුව ඉදිරි පියවර සලකා බැලිම සඳහා ලබන 29 වනදා කැඳවිමට කොළඹ මහාධිකරණය නියම කළේය.

යාපනය මුහමාලෙයි ප්‍රදේශයේ බිම්බෝම්බ ඉවත් කිරීම් කටයුතු වල නිරතව සිටින රාජ්‍ය නොවන සංවිධානයකට පොළව හාරන අවස්ථාවකදී යුද හමුදා නිලඇඳුම් කොටස් හා අස්ථියක කොටසක් ඊයේ (16) සවස හමුවී ඇති බවට පලෙයි පොලීසිය පවසයි.

ශ්‍රීමත් අනගාරික ධර්මපාලතුමාගේ 156 වැනි ජන්ම සංවත්සරය ජනාධිපති ගෝඨාභය රාජපක්ෂගේ ප්‍රධානත්වයෙන් සැමරේ.

බටහිර වෛද්‍ය ක්‍රම පවතින රෝහල් වල දේශීය වෛද්‍ය ක්‍රමයත් සංකලනය කරමින් රෝගීන්ට ප්‍රතිකාර කිරීම සදහා සෞඛ්‍ය අමාත්‍යංශය තුළ සාකච්ඡාවක් ඇරඹීමට අපේක්ෂා කරන බව සෞඛ්‍ය අමාත්‍ය පවිත්‍රා වන්නිආරච්චි පැවසුවාය.

අත්තනගල්ල හා වරකාපොළ ප්‍රාදේශීය ලේකම් කොට්ඨාස දෙකටම අයත්ව පිහිටා ඇති ඉඩම් ප්‍රතිසංස්කරණ කොමිෂන් සභාවට අයත් ’පෙතියකන්ද වත්ත’ නැමති ඉඩමේ අක්කර 194ක භූමි භාගයක එකී කර්මාන්තපුරය, හරිත කර්මාන්තපුරයක් වශයෙන් ස්ථාපිත කිරීම සඳහා කර්මාන්ත අමාත්‍ය විමල් වීරවංශ මහතා ඉදිරිපත් කළ යෝජනාවට කැබිනට් මණ්ඩලයේ අනුමැතිය හිමි වූ බව අද (17) රජයේ ප්‍රවෘත්ති දෙපාර්තමේන්තුවේ කැබිනට් තීරණ දැනුම් දීමේ මාධ්‍ය හමුවට එක්වෙමින් සම කැබිනට් ප්‍රකාශක අමාත්‍ය රමේෂ් පතිරණ පැවසීය.

මන්නාරම උතුරු මුහුදු ප්‍රදේශයේ සහ වංකාලෙයි මුහුදු ප්‍රදේශයේ නීතිවිරෝධීව ප්‍රවාහනය කරමින් තිබූ කහ කිලෝ 818 ක් සහ සැකකරුවන් දෙදෙනෙකු ඊයේ (16) දින අත්අඩංගුවට ගත් බවට නාවික හමුදාව පවසයි.

සෙස් බද්ද යටතට අලුතෙන් ඇතුළත් වන හා ඉන් ඉවත් කරන භාණ්ඩ ඇතුළත් ගැසට් නිවේදන හතරක් පාර්ලිමේන්තුවට ඉදිරිපත් කිරීමට කැබිනට් අනුමැතිය ලැබී තිබේ.

ඉන්දියාවේදී විෂ ශරීර ගත කර ඝාතනය කළ බව කී ශ්‍රී ලංකාවේ ප්‍රභල සංවිධානාත්මක අපරාධකරුවෙක් වූ මද්දුමගේ ලසන්ත චන්දන පෙරේරා නොහොත් අංගොඩ ලොක්කාගේ මරණයට හේතුව හෘදයාබාධයක් බවට හෙළිව තිබේ.

කොළඹ ප්‍රදේශයේ පදිංචි බාලවයස්කාර පිරිමි දරුවෙකු (අවු.10) 2013 වසරේදී බරපතල ලිංගික අපයෝජනයට ලක්කෙකොට ජාතික ළමා ආරක්ෂක අධිකාරියට ලැබුණු පැමිණිල්ලකට අනුව, අධිකාරියේ විශේෂ පොලිස් විමර්ශන ඒකකය මගින් සිදු කළ විමර්ශනයකින් පසු, කොළඹ ප්‍රදේශයේ පදිංචි සැකකරු (අවු.41) අත්අඩංගුවට ගෙන විමර්ශනය කිරීමෙන් , නීතිපතිතුමා විසින් සැකකරුට එරෙහිව කොළඹ මහාධිකරණයේ නඩුවක් ඉදිරිපත් කොට, මහාධිකරණය විසින් නඩුව විභාග කොට 2020 වසරේ අගෝස්තු මාසයේදී සැකකරු වරදකරු කොට ඇත.

කොළඹ වරාය නගර ව්‍යාපෘතියේ 6 වැනි සංවත්සරය යෙදෙන අද (17දා) අග්‍රාමාත්‍ය මහින්ද රාජපක්ෂ මහතා එහි නිරීක්ෂණ චාරිකාවට එක් විය.