නුවරඑළිය දිස්ත්‍රික්කයේ ග්‍රාම නිලධාරී වසම් 5 ක් හුදෙකලා කර තිබේ.ඒ අනුව කළුමැද,හපුගස්තලාව,වීරපුර,බෙරමණ දකුණ හා පහල ගොරකඔය මෙලෙස වහාම ක්‍රියාත්මක වන පරිදි හුදෙකලා කර තිබේ.

නිරෝධායන නීති කැඩු 844 දෙනෙකු ගතවු පැය 24ක් තුළ අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ නි.පොලිස්පති අජිත් රෝහණ පැවසීය.

සංචරණ සීමා ලිහිල් කිරීමත් සමග අද සිට ආර්ථික මධ්‍යස්ථාන විවෘත කර තැබීමට නියමිතයි. ඒ අනුව දඹුල්ල, තඹුත්තේගම, නාරාහේන්පිට, කැප්පෙට්ටිපොළ, රත්මලාන ඇතුළු ආර්ථික මධ්‍යස්ථාන සෞඛ්‍ය මාර්ගෝපදේශවලට යටත්ව විවෘත වෙයි.

සෙනසුරාදා වන විට චීනය COVID-19 එන්නත් මාත්‍රා බිලියනයකට වඩා ලබා දී ඇතැයි එරට සෞඛ්‍ය කොමිසම පවසයි.

සැබවින්ම වසංගතය විසින් ඇමෙරිකානු ආර්ථිකයේ සමහර මූලධර්ම වෙනස් කර ඇති අතර, එයින් අදහස් වන්නේ එය කිසිවිටෙකත් සාමාන්‍ය තත්ත්වයට නොපැමිණෙන බව යැයි ආර්ථික විශ්ලේෂකයෝ පවසති.

ජාත්‍යන්තර ක්‍රිකට් කවුන්සිලයේ ICC Hall Of Fame සම්මානයට පාත්‍ර වූ ශ්‍රී ලංකා කහිටපු ක්‍රිකට් නායක කුමාර් සංගක්කාරට ඒ වෙනුවෙන් හිමිවන විශේෂිත හිස් වැස්ම ලැබුණ අවස්ථාව.

පවතින කොවිඩ් වසංගත තත්ත්වය හේතුවෙන් මෝටර් රථ ප්‍රවාහන දෙපාර්තමේන්තුව විසින් සපයනු ලබන සේවාවන් තවදුරටත් තාවකාලිකව අත්හිටුවා ඇති බව දැනුම් දෙනවා.

මේ රටේ මොනතරම් විශාල සංවර්ධනයක් වෙනවද කියලා කිසිම මාධ්‍යයකින් කියන්නේ නෑ. නමුත් අවාසනාවකට වගේ මාධ්‍යයෙන් කියන්නේ අපි කරන වැඩ නෙමෙයි අපි නොකරන වැඩ.

ශ්‍රී ලංකාවෙන් අද දිනයේදී ආසාදිතයන් 2008ක් වාර්තා වී තිබේ. මේ සියලුම ආසාදිතයන් අලුත් අවුරුදු කොවිඩ් පොකුරට සම්බන්ධව වාර්තාවී තිබේ.

පාස්කු ප්‍රහාරයට සම්බන්ධ සිද්ධීන් 17කින් සිදුවීම් 09 කට අදාළව සැකකරුවන් 32 දෙනෙකුට එරෙහිව නඩු පවරා ඇතැයි, පොලිස් මූලස්ථානය පවසයි.

ජාත්‍යන්තර එන්නත් සැපයීම ප්‍රමාදවීම හේතුවෙන් ඔස්ට්‍රේලියාවේ රටපුරා එන්නත් කිරීමේ වැඩසටහනට මූලික ඉලක්ක කිහිපයක් මග හැරුණු අතර ඇස්ට්‍රාසෙනෙකා මාත්‍රාව පිළිබඳ වෛද්‍ය උපදෙස් වෙනස් කිරීම දැන් එම ක්‍රියාවලිය තවත් මන්දගාමී කර තිබේ.

සංචරණ සීමා ලිහිල් කිරීමත් සමග හෙට (21) සිට ආර්ථික මධ්‍යස්ථාන විවෘත කර තිබේ.

මංගල උත්සව, සැණකෙළි පැවැත්වීම තවදුරටත් තහනම් වන අතර බාර්, කැසිනෝ, සමාජ ශාලා තවදුරටත් වසා තැබෙයි.

ශ්‍රී ලංකාවේ තවත් කොවිඩ් මරණ 47ක් ඊයේ (19දා) වාර්තා වී තිබේ. මේ අනුව ශ්‍රී ලංකාවේ සමස්ත කොවිඩ් මරණ සංඛ්‍යාව 2581ක් දක්වා වර්ධනය වී තිබේ.

කොවිඩ් -19 වෛරසය ආසාදනය වූ 1,553 දෙනෙකු අද (20) දිනයේ හඳුනාගත් බව යුද හමුදාපති, ජෙනරාල් ශවේන්ද්‍ර සිල්වා මහතා පවසයි.

සියලු තැපැල් සේවා හෙට (21) සිට යළි ආරම්භ කරන බව තැපැල් දෙපාර්තමේන්තුව පවසයි.

හෙට (21) අලුයම 4 සිට බලපැවැත්වෙන පරිදි දිස්ත්‍රික්ක 12ක ග්‍රාම නිලධාරී කොට්ඨාස රැසක් හුදකලා කරන බව යුද හමුදාපති, ජෙනරාල් ශවේන්ද්‍ර සිල්වා මහතා පවසයි. හෙට දිනයේදී දිවයිනටම බලපැවැත්වෙන පරිදි සංචරණ සීමා ඉවත් කිරීමට තිරණය කර ඇති අවස්ථාවක මෙසේ ප්‍ර දේශ කිහිපයක් හුදෙකලා කර තිබේ.

තවත් කොරෝනා ආසාදිතයන් 1,996 ක් පූර්ණ සුවය ලබා ඇති බව සෞඛ්‍ය අමාත්‍යාංශය නිවේදනය කරයි. ඒ අනුව කොරෝනා ආසාදිතව සුවය ලැබූ සංඛ්‍යාව ලක්ෂ දෙකේ සීමාව ඉක්මවා ගිය අතර මෙතෙක් සුවය ලැබූ සංඛ්‍යාව 201,389 දක්වා ඉහළ ගොස් ති​බේ.

ජනපති ගෝඨාභය රාජපක්ෂ මහතා වෙත චීන ජනපති ෂී ජින්පින් මහතා සුබ පැතුම් එක්කර තිබේ. ජනපති ගෝඨාභය රාජපක්ෂ මහතාගේ උපන්දිනය අදට (20දා) යෙදී තිබේ

හෙට (21දා) සංචරණ සීමා ඉවත් කිරීමත් සමග දිවයින පුරා මත්පැන් අලෙවිසල් ද හෙට සිට විවෘත කිරිමට අවසර ලැබෙන බව සුරාබදු දෙපාර්තමේන්තුව පවසයි.

කොළඹ නාගරික සීමාව ආශ්‍රිතව අහඹු පී.සී.ආර්. පරීක්ෂණ සංඛ්‍යාව වැඩිකර ඇතැයි කොළඹ මහ නගර සභාවේ ප්‍රධාන සෞඛ්‍ය වෛද්‍ය නිලධාරී වෛද්‍ය රුවන් විජයමුණි මහතා පවසයි.

මෙම රියදුරුගේ අභිප්‍රාය තවමත් අනාවරණය වී නොමැති බව පොලීසිය පැවසුවත්, නගරාධිපති ඩීන් ට්‍රැන්ටලිස් මෙම අනතුර සමරිසි සහ සංක්‍රාන්ති ප්‍රජාවට හිතාමතාම සිදුකළ පහරදීමක් ලෙස විස්තර කළේය.

ඉදිරි සතියේ පාර්ලිමේන්තුවේ කටයුතු පිළිබඳ තීරණය කිරීම සඳහා පාර්ලිමේන්තු කටයුතු පිළිබඳ කාරක සභාව හෙට (21) පෙරවරු 9.30 ට එහි සභාපති කථානායක මහින්ද යාපා අබේවර්ධන මහතාගේ ප්‍රධානත්වයෙන් පාර්ලිමේන්තු සංකීර්ණයේදී රැස්වීමට නියමිතය.

රාජ්‍ය හා පෞද්ගලික අංශයේ හවුල්කාරී ව්‍යාපෘතියක් ලෙස දෙවන බහු මහල් රථගාල ඉදිකිරීම් ආරම්භ කිරීම අද (20) දින සිදුවිය. කොළඹ නගරය තුළ වාහන 1500 ට වඩා වැඩි ධාරිතාවයකින් රථවාහන ගාල් කිරීම සඳහා නාගරික සංවර්ධන අධිකාරිය මෙම ව්‍යාපෘතිය ක්‍රියාත්මක කරනු ලබයි.

මෙරටින් ඊයේ වාර්තා වූ ආසාදිතයින් 2,248 දෙනාගෙන් වැඩිම ආසාදිතයින් සංඛ්‍යාවක් වත්තල ප්‍රදේශයෙන් වාර්තා වී තිබෙනවා.

ශ්‍රී ලංකාවේ ක්‍රිකට් අතහැර යාමේ කිසිඳු බලාපොරොත්තුවක් නොමැති බවත්, තමන්ගේ තවමත් එකම අරමුණ ශ්‍රී ලංකා කණ්ඩායම වෙනුවෙන්ම ක්‍රීඩාකිරීම පමණක් බවත් ක්‍රිකට් ක්‍රීඩක සඳුන් වීරක්කොඩි පවසයි.

‍මෙම පරීක්ෂණ ශ්‍රී ලංකා යුද හමුදා පොලීසිය විසින් ආරම්භ කර ඇති අතර එම පරීක්ෂණවලින් අනතුරුව ඔවුන්ට එරෙහිව දැඩිවිනය ක්‍රියාමාර්ග ගන්නා ලෙස ද යුද හමුදාපතිවරයා නියෝග කර තිබේ.

’’වසංගතයේ ප්‍රමුඛ ප්‍රභේදයක් බවට පත්වෙමින් ඇති මේ ඩෙල්ටා ප්‍රභේදය අතිශයින්ම බෝවන ප්‍රභේදයක්. ඒ වගේම සමහර අය එය අනෙක් අයට වඩාත් ව්‍යාප්ත කරන බවත් අප හඳුනාගෙන තිබෙනවා. මේ අවස්ථාවේදී සුපිරි පැතිරීමේ සිදුවීමක් අප විසින් වළක්වා ගත යුතුයි’’ නිව් සවුත් වේල්ස් මහ ඇමති ග්ලැඩිස් බෙරෙජික්ලියන් පැවසීය.

ගම්පහ දිස්ත්‍රික්කයෙහි ප්‍රදේශ ගණනාවකට ගංවතුර බලපෑමට හේතු වූයේ මධ්‍යම අධිවේගී මාර්ගයේ ඉදිකිරීම් නම් ඉදිරියේදී මෙවන් ආපදා තත්ත්වයක් ඇති නොවන පරිදි , මධ්‍යම අධිවේගී මාර්ගයේ ඉදිකිරීම් සම්බන්ධයෙන් නැවත සමාලෝචනය කර සුදුසු පරිදි ඉදිකිරීම් සදහා අවශ්‍ය ක්‍රියාමාර්ග ගන්නා ලෙස මහාමාර්ග අමාත්‍ය ජොන්ස්ටන් ප්‍රනාන්දු මහතා දැනුම් දී ඇතැයි රාජ්‍ය අමාත්‍ය නිමල් ලාන්සා මහතා සදහන් කළේය.