හිටපු අමාත්‍ය රිෂාඩ් බදියුදීන් මහතාව බන්ධනාගාර නිලධාරීන් විසින් අද (06) කොළඹ මහෙස්ත්‍රාත් අධිකරණය හමුවට ඉදිරිපත් කර තිබේ.

නිරෝධායන නීති කඩ කරන පිරිස් අත්අඩංගුවට ගැනීම සඳහා අඛණ්ඩව මෙහෙයුම් සිදු කෙරෙන බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව මහතා පවසනවා.

අද අලුයම සිය ජීවිතයෙන් සමුගත් ප්‍රකට සංගීතඥ සුනිල් පෙරේරා මහතා වෙනුවෙන් ශෝකය ප්‍රකාශ කරමින් සමාජ මාධ්‍ය තුළ බොහෝ පිරිසක් අදහස් දක්වමින් සිටී.

නුවරඑළිය දිස්ත්‍රික්කයෙන් පසුගිය පැය 24ක කාලය තුලදි නව කොවිඩ් ආසාදිතයන් 99 දෙනකු හමුවිමත් සමග මෙම දිස්ත්‍රික්කයේ සමස්ථ කොවිඩ් ආසාදිතයන් ගණන 12152 දක්වා ඉහල ගොස් ඇති බව නුවරඑළිය දිස්ත්‍රික්කයේ සෞඛ්‍ය අංශ නිලධාරියකු පවසන ලදි.

නිරෝධායන නීති උල්ලංඝනය කළ 273 දෙනෙකු ගතවු පැය 24ක් තුළ අත්අඩංගුවට ගත් බව පොලිස් මාධ්‍ය අංශය සඳහන් කරයි.

දඹුල්ල ආර්ථික මධ්‍යස්ථානය අද (6දා) අලුයම හතරට විවෘත කිරීමත් සමග එළවළු ලැබීම අලෙවි වීම සහ මිල විශාල වශයෙන් පහත වැටෙමින් පවතින බව ආර්ථික මධ්‍යස්ථාන වෙළෙන්දෝ පවසති.

අද (06) දිනයේ දිවයිනේ සියලුම දිස්ත්‍රික්ක ආවරණය වන පරිදි මධ්‍යස්ථාන 257කදී කොවිඩ් මර්දන එන්නත්කරණය සිදු කරන බව සෞඛ්‍ය අමාත්‍යංශය නිවේදනය කර සිටියි.

හදිසි නීති රෙගුලාසිවලට අදාළ විවාදය අද (06) දිනයේ පැවැත්වීමට නියමිතව තිබේ.

බස්නාහිර, සබරගමුව, මධ්‍යම සහ වයඹ පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇතිවිය හැකි බව කාලගුණ විද්‍යා දෙපාර්තමේන්තුව පවසයි.

ශ්‍රී ලංකාව විසින් මිළදී ගත් ,’’ ෆයිසර් ’’ එන්නත් තවත් මාත්‍රා ලක්ෂයක පමණ ප්‍රමාණයක් , අද දින අලුයම , කටාර් ගුවන් සේවයේ ගුවන් යානයකින් කටුනායක ගුවන් තොටුපළ වෙත ගෙනැවිත් තිබේ .

ජිප්සීස් සංගීත කණ්ඩායමේ නායක, ප්‍රවීණ ගායක සුනිල් පෙරේරා මහතා අභාවප්‍රාප්ත වී තිබේ. නිව්මෝනියාව රෝගී තත්ත්වයෙන් අසාධ්‍ය වූ ඔහු ඊයේ (05) කොළඹ පෞද්ගලික රෝහලක දැඩිසත්කාර ඒකකයට ඇතුළත් කළ අතර එහි ප්‍රතිකාර ලබමින් සිටියදී ඔහු අභාවප්‍රාප්ත වී තිබේ. මිය යනවිට ඔහු 68 වැනි වියේ පසු විය.

මෙම හමුදා කුමන්ත්‍රණය එක්සත් ජාතීන්ගේ සංවිධානය හෙළා දැක තිබුණත්, එරට ප්‍රභූ හමුදා ඒකකයේ ප්‍රධානී මාමාඩි ඩුම්බෝව්යා පැවසුවේ ’’දුප්පත්කම සහ රටම වෙලාගත් ආවේණික දූෂණය’’ හේතුවෙන් ජනාධිපති ඇල්ෆා කොන්ඩ්ව ධුරයෙන් ඉවත් කිරීමට තම හමුදාව යොමු කළ බවයි.

සීනී බදු වංචාවෙන් රටට අහිමි වූ රු.බිලියන 35ක මුදලින් මිලියන 17.5ක ජනතාවක් එන්නත් කිරීමට හැකියාව තිබුණ බව පාර්ලිමේන්තු මන්ත්‍රී ඉරාන් වික්‍රමරත්න මහතා පවසයි.

එල්.ටී.ටී.ඊ. හිටපු නායක වේලුපිල්ලේ ප්‍රභාකරන්ගේ පරිවර්තකයා ලෙස කටයුතු කළ වේලුපිල්ලේ කුමාරු පංචරත්නම් නොහොත් ජොර්ජ් මාස්ටර් ජීවිතක්‍ෂයට පත්ව තිබේ.

මෙම වෙඩි තැබීමෙන් කාන්තාවක සහ ඇගේ අත සිටි මාස තුනක් වයසැති කුඩා බිලිඳෙකුද ජීවිතක්ෂයට පත්ව ඇති අතර, වෙඩි ප්‍රහාර 7ක් වැදුණු වයස අවුරුදු 11ක දැරියක තුවාල ලබා ශල්‍යකර්මයන්ට භජානය වී ඇති බවත් ඇමෙරිකාවෙන් වාර්තා වෙයි.

සියලු ප්‍රදේශවල නිෂ්පාදිත ප්‍රමිතියෙන් යුතු කාබනික පොහොර රජය මිලදී ගැනීමෙන් පසු ගොවි ජනතාවට ලබාදීමේ වැඩපිළිවෙළක් සකස් කර ඇති බව රාජ්‍ය අමාත්‍ය ශෂීන්ද්‍ර රාජපක්ෂ මහතා පවසනවා.

කොවිඩ්-19 ට එරෙහිව සටන් කිරීම භාර අමාත්‍ය ටාරෝ කොනෝ එරට මීළඟ අගමැතිවරයා ලෙස පත්වීම සඳහා ඉහළ ජනතා ප්‍රසාදයක් ලබාගෙන ඇති බව වාර්තා වෙයි.

පෙරේදා දිනයේදී කොවිඩ් මරණ (145) වල යම් අඩුවීමක් දක්නට ලැබුණත් ඊයේ දිනයේදි නැවතවරක් මරණ වැඩි වී තිබේ. මේ අනුව ශ්‍රී ලංකාවේ සමස්ත කොවිඩ් මරණ සංඛ්‍යාව 10140ක් දක්වා වර්ධනය වී තිබේ.

කොවිඩ් වෛරසය ආසාදනය වී පේරාදෙණිය ශික්ෂණ රෝහලේ දී මියගිය ආදිවාසී නායක ඌරුවරිගේ වන්නිලැ ඇත්තන් ගේ බිරිඳ වන ඌරුවරිගේ හීන්මැණිකා මහත්මියගේ අවසන් කටයුතු කොවිඩ් නීති රීති වලට අනුකූලව හෙට (06) මහියංගන ආදාහනාගාරයේ දී සිදුකරන බව ආදීවාසී නායක ඌරුවරිගේ වන්නිලැ ඇත්තෝ පවසයි .

හිටපු වෘත්තීය පාපන්දු ක්‍රීඩකයෙකු වන සාදි ගඩාෆි 2011 දී විරෝධතාකරුවන්ට එරෙහිව සිදුකළ අපරාධ සහ 2005 ලිබියානු පාපන්දු පුහුණුකරු බෂීර් අල්-රයානි ඝාතනය කිරීමේ චෝදනා යටතේ ට්‍රිපොලි බන්ධනාගාරයේ රඳවා සිටියේය.

තිරිඟු පිටි මිල වැඩි නොකිරීමට රජය තීරණය කර ඇති බව රාජ්‍ය අමාත්‍ය ලසන්ත අලගියවන්න පවසා සිටියි. තිරිඟු පිටි ආනයන සමාගම් සමඟ පැවති සාකච්ඡාවලින් පසු මෙම තීරණය ගෙන ඇති බව වාර්තා වෙයි.

වැවත් වැව් බැම්මත් රැකගෙන වැව් සිරිය නැරඹීමට එන දෙස් විදෙස් පිරිස් වලට පහසුකම් සැපයෙන බුද්ධිමත් වැඩපිලිවෙලකට අපි කවුරුත් එළඹිය යුතුයි . දැන් මේ රට දුවන්නෙ කෘෂිකර්මාන්තයෙන් නොවෙයි . සංචාරක කර්මාන්තය නිසා බොහෝ දෙනාදෙනා ජීවත්වනවා .

නවසීලන්තය විසින් කොවිඩ් -19 වෛරසය ආසාදිතයන් 20දෙනෙකු අඛණ්ඩව තුන්වැනි දිනටත් ගෙවීගිය දිනයේ වාර්තා කර තිබුණේ, දිවයිනේ බොහෝ ප්‍රදේශවල කොරෝනා වයිරස් සීමා ලිහිල් කළ හැකිද යන්න පිළිබඳ තීරණයට පෙරය.

“අවිශ්ක තමා අපිට ඉන්න පන්දුවට වේගයෙන් පහර දෙන්න පුලුවන් ක්‍රීඩකයා හදිසියේවත් අවිශ්ක ඉක්මණින් දැවී ගියොත් භානුක දැන ගන්න ඕනේ කඩුල්ලේ රැඳී ඉන්න .නොම්බර 3 ක්‍රීඩා කරන්නේ ලෝක ක්‍රිකට් එකේ ඉන්න සුපිරිම ක්‍රීඩකයා,භානුක එතනට සුදුසු නිසා තමා ඔහුව ඒ ස්ථානයට යොදවලා තියෙන්නේ,ආසාර්ථක වෙන්න ලැජ්ජාවක් නැත්නම් වගකීමක් ගන්න ඕනේ. වරදක් කරා කියලා අනිත් තරඟය භානුකව එලියේ තියන්නේ නැතුව එයාට තව අවස්ථාවක් දීලා බලන්න ඕ​නේ”

සංචරණ සීමා පැනවීම හේතුවෙන් කොරෝනා ආසාදිතයින්ගේ සංඛ්‍යාව වාර්තාවීම අඩු මට්ටමකට පැමිණ ඇති බව ශ්‍රී ලංකා වෛද්‍ය සංගමයේ සභාපති විශේෂඥ වෛද්‍ය පද්මා ගුණරත්න මහත්මිය පවසනවා. ‍

සියලුම පාර්ලිමේන්තු මන්ත්‍රිවරුන් සඳහා හෙට (06) දිනයේදී පාර්ලිමේන්තු පරිශ්‍රයේදී ඇන්ටිජන් පරීක්ෂණ සිදු කිරීමට නියමිතව බව වාර්තා වෙයි. හෙට (06) උදෑසන 9.30 සිට 12.30 දක්වා මෙය පැවැත්වීමට නියමිතයි.

තමා මහ බැංකු අධිපති වශයෙන් කටයුතු කළ කාලසීමටවට අදාළව තම පත්වීම් ලිපිය අනුව තමන්ට විශ්‍රාම වැටුපකට හිමිකම් ඇති බව හිටපු මහ බැංකු අධිපති, රාජ්‍ය අමාත්‍ය අජිත් නිවාඩ් කබ්රාල් මහතා නිවේදනයක් නිකුත් කරමින් පවසයි.

කදිරවේලි හා වාකරේ ප්‍රදේශවල නිවෙස් කිහිපයක සගවා තිබූ පොහොර මිටි 169 ක් සොයා ගැනීමට පොලිස් විශේෂ කාර්ය බලකාය සමත් වුණා.

පාසල් නැවත ආරම්භයේදී ප්‍රමුඛතාවය දියයුතු ශ්‍රේණි පිළිබඳව මේ වනවිට සැලසුම් සකස්කර ඇති බව අධ්‍යාපන අමාත්‍යාංශයේ පාසල් කටයුතු පිළිබඳ අතිරේක ලේකම් එල්. එම්. ඩී ධර්මසේන පවසා සිටියි.