ඇතුන් මරා ලබාගන්නා ලද දුර්ලභ වර්ගයේ ගජමුතු දෙකක් ඇතුළු ගජමුතු හයක් රුපියල් කෝටි 60 කට විකිණීමට පැමිණි වෙළඳ ව්‍යාපාරිකයෙකු අවිස්සාවේල්ල පුවක්පිටිය ප්‍රදේශයේ දී අත්අඩංගුවට ගත් බව පානදුර වලාන මධ්‍යම දුෂණ මර්ධන ප්‍රහාරක බලකාය කියයි.

වසර හැත්තෑ පහක් තිස්සේ මේ රටේ සංවර්ධනය සෙක්කුවක් මෙන් කරකැවී තිබුණු බවත් ඉදිරියේදී රටේ සංවර්ධනය වෙනුවෙන් පීඩාකාරී වේදනාකාරී තීන්දු තීරණ රැසක් ගැනීම්ට අකමැත්තෙන් වුවද සිදු වන බව රාජ්‍ය ආරක්ෂක අමාත්‍ය ප්‍රමිත බණ්ඩාර තෙන්නකෝන් මහතා අද (22දා) දඔඹුල්ලේ දී පැවසීය.

මහනුවර මහ නගර සභාවේ මුදල් දෙපාර්තමේන්තුවේ සරප් අංශයට ලැබී තිබූ රුපියල් ලක්ෂ 51 කට ආසන්න මුදලක් නගරසභා ගිණුමට බැර නොකර තම පෞද්ගලික කටයුත්තක් සඳහා යොදාගත් බව කියන නිලධාරිනියකට එරෙහිව නාගරික කොමසාරිස්වරයාගේ නියමයෙන් විශේෂ විමර්ශනයක් ආරම්භ කොට තිබේ .

කිලිනොච්චිය තිරුනගර් ප්‍රදේශයේ යුද සමයේදී කොටි සංවිධානය විසින් වෑළදැමුවේ යැයි කිය රත්තරන් හා ආයුධ තොගයක් සොයා ඊයේ (21) දින කිලිනොච්චිය පොලීසිය විසින් කැනීමක් සිදු කළද කිසිවක් හමු නොවීය.

හල්දුම්මුල්ල කොස්ලන්ද මීරියබැද්ද පැරණි නාය ගිය කොටස දෙපස අද 22 අලුයම සිට නැවතත් නාය යාමට පටන් ගෙන ඇති බව බදුල්ල ආපදා කළමනාකරණ මධ්‍යස්ථානයේ සහකාර අධ්‍යක්ෂ ඊ. එම්. එල්. උදයකුමාර මහතා පැවසීය.

සාලියවැව පොලිස් වසමට අයත් නිළබැම්ම ප්‍රදේශයෙ වගා බිමක කිසියම් හේතුවක් මත ඇතෙකු හදිසියෙ මරණයට පත්ව ඇති බව කරුවලගස්වැව අඩවි වනජීවි නිළධාරී කාර්යාල පවසයි.

මධ්‍යම, සබරගමුව, උතුරු-මැද, නැගෙනහිර හා ඌව පළාත්වල තැනින් තැන ගිගුරුම් සහිත වැසි සමග ප්‍රභල අකුණු ඇතිවිමේ වැඩි හැකියාවක් ඇතැයි කාලගුණ විද්‍යා දෙපාර්තමේන්තුව සඳහන් කරයි.

ගම්පහ මහ නගර සභාවේ විදුලි බිල බින්දුවට පත් කිරීමට හැකිව ඇති බවත් මෙය නගර සභාවට විශාල සහනයක්ව ඇති බවත් නාගරික කොමසාරිස් ලෝචනා බාලසූරිය මහත්මිය සදහන් කරන්නීය.

නිවසක මාසික විදුලි බිල ගෙවීම සදහා දැනට ලබා දී ඇති දින 40 ක කාලය දීර්ඝ කරන ලෙසත් විදුලි බිල කොටස් වශයෙන් ගෙවීම සදහා ක්‍රමවේදයක් සකසන ලෙසත් පාරිභෝගික අයිතීන් සුරැකීමේ ජාතික ව්‍යාපාරය රජයෙන් ඉල්ලා සිටියි.

නුවරඑළිය දිශාව භාරව කටයුතු කළ නියෝජ්‍ය පොලිස්පති ජේ.ඒ.උපාලි ප්‍රියන්ත ජයසිංහ මහතාගේ වසර 39 ක සේවා කාලය අවසන් කරමින් විශ්‍රාම ගැනීමේ උත්සවය ඊයේ (21) දින නුවරඑළිය මහ නගර සභා ක්‍රීඩාංගනයේදී උත්කර්ෂවත් අන්දමින් පැවැත්විණ.

කූඨ ලෙස සකස් කළ වීසා බලපත්‍රයක් භාවිතා කර එක්සත් රාජධානිය වෙත පැන යාමට තැත් කළ ශ්‍රී ලාංකික තරුණයෙකු 10/20 දින කටුනායක ගුවන් තොටුපොළ පිටත්වීමේ පර්යන්තයේ දී ආගමන විගමන නිලධාරීන් පිරිසක් විසින් අත් අඩංගුවට ගෙන තිබේ .

රුපියල් මිලියන 4000 කට අධික දළ වීථි වටිනාකමකින් යුත් හෙරොයින් මත්ද්‍රව්‍ය කිලෝග්‍රෑම් 200 කට අධික තොගයක් සමඟ මෙරට බහුදින ධීවර යාත්‍රාවක් සහ සැකකරුවන් 05 ක් දෙවුන්දර දී අත්අඩංගුවට ගත් බව නාවික හමුදාව නිවේදනය කරයි.

ලෝකයේ බලවතුන් අතර පවතින මෙම යුද්ධමය වාතාවරණය අපේ රටටත් බලපා තිබෙනවා. කතාවක් තිබෙනවා ලෝකයේ ධනවත් රටවල්වලට සෙම්ප්‍රතිශ්‍යාව හැදෙන කොට දුප්පත් රටවලට නියුමෝනියාව හැදෙනවා කියළා. ඒ වගේ රුසියාව හා යුක්රේණය අතරත්, ඊශ්‍රායලය හා පලස්තීනය අතරත් ඒට ගත් යුද්ධය නිසා ආනයනය කරන භාණ්ඩ මිල ඉහළ යාමේ අවදාමක් තිබෙනවා.

ඊසාන දිග මෝසම් කාළගුණික තත්ත්වය හේතුවෙන් ඉන්දු ලංකා මගී ප්‍රවහන නෞකා සේවයේ පලමු අදියරේ මෙහෙයුම් කටයුතු අවසන් කල බව ශ්‍රී ලංකා වරාය අධිකාරිය කියයි.

මේ වනවිට රටවල් කිහිපයක් අතර ඇතිවී තිබෙන යුධ ගැටුම් හේතුවෙන් ලෝක වෙළෙදපළෙහි යුරියා පොහොර ඇතුළු සියලු පොහොර මිල ගණන් ඉහළ යාමේ අවදානමක් පවතී. අමාත්‍ය මණ්ඩල අනුමැතිය ලැබුනු මැයි මාසයේ දී මෙම පොහොර මිල දී ගැනීමට කටයුතු කළේ නම් ඉතාමත් අඩු මිලකට යුරියා පොහොර මිල දී ගැනීමට හැකියාව තිබිනි. ඒ වනවිට ලෝක වෙළෙඳ පලේ යුරියා මෙට්‍රික් ටොන් එකක් ඩොලර් 350කට පමණ මිල දී ගැනීමට හැකියාව තිබු අතර යුධමය තත්ත්වය නිසා මේ වනවිට එම මුදල ඩොලර් 650ත් ඉක්මවා ගොස් ඇත.

අහුංගල්ල, ගල්වෙහෙර ප්‍ර දේශයේදී යතුරු පැදියකින් ගමන් කරමින් සිටි ව්‍යාපාරික පවුලට වෙඩි තබා ඇත්තේ කුරුඳු ඉඩමක සැගවී සිටි පුද්ගලයෙක් ටී. 56 ගිනි අවියක් භාවිත කරමින් බව පොලීසිය කියයි.

ආණ්ඩුක්‍රම ව්‍යවස්ථාව අනුව ලබන වසරේදී ජනාධිපතිවරණය පවත්වන බව ජනාධිපති රනිල් වික්‍රමසිංහ මහතා පැවසීය.

ලෝක කුසලාන තරගාවලියේ පළමු ජය වාර්ත කිරිමට ශ්‍රී ලංකා කණ්ඩායම අද සමත්විය. ඒ නෙදර්ලන්තය සමගින් පැවැති තරගය කඩුලු පහකින් ජය ගනිමිනි.

මෙරට ප්‍රමුඛ පෙලේ ව්‍යාපාරිකයෙක් වූ ලලිත් කොතලාවල මහතා අභාවප්‍රාප්ත වී තිබේ. කොළඹ පෞද්ගලික රෝහලක ප්‍රතිකාර ලබමින් සිටියදී අභාවප්‍රාප්ත වූ ඒ මහතා මිය යන විට 84 වැනි වියේ පසුවිය. සෙලාන් බැංකුවේ නිර්මාතෘද වන ඒ මහතා සෙලින්කො කොන්සොලිඩේටඩ් හි ආරම්භක සභාපතිද වෙයි.

ඇහැලියගොඩ පොලිස්ථානාධිපති ප්‍රධාන පොලිස් පරීක්‍ෂක ප්‍රියංකර ද සිල්වා මහාතා වෙඩි වැදිමෙන් 21දා අලුයම මියගොස් ඇති බව ඇහැළියගොඩ පොලිසිය පැවසුවේය.

චීනයේ සිව් දින නිල සංචාරයක නිරත වූ ජනාධිපති රනිල් වික්‍රමසිංහ මහතා එම සංචාරය නිමා කර අද රාත්‍රී කටුනායක ගුවන් තොටුපොළ වෙත පැමිණි බව එහි කාර්යය භාර නිලධාරීවරයා පැවසීය .

පොලීස් ස්ථානය තුළදී තරුණියක් විසින් එක් පොලිස් නිලධාරිනියකගේ ලැම පෙදෙස හා තවත් පොලිස් නිලධාරිණියකගේ ඇගිල්ලක් සපාකෑමෙන් ඇතුවූ තුවාලවලින් එම පොලිස් කාන්තාවන් දෙදෙනාම අද (20දා) අලුයම් කාලයෙදී රෝහල්ගත කිරීමට සිදුවූ බව අම්බලන්ගොඩ පොලීසිය කියයි.

පාර්ලිමේන්තු මන්ත්‍රීවරුන් දෙපිරිසක් අතර පාර්ලිමේන්තු සංකීර්ණයේදී අද සවස ගැටුමක් ඇතිව තිබෙන බව වාර්තා වෙයි.

ඊශ්‍රායලයේ කෘෂි ක්ෂේත්‍රයේ නව රැකියා අවස්ථා දහසක් නිර්මාණය වී ඇති බවත් දැනට එරට පවතින ආරක්ෂක තත්ත්වය සම්බන්ධයෙන් තක්සේරුවකින් පසුව එම රැකියා අවස්ථාවන් සඳහා මෙරට ශ්‍රමිකයන් රැකියාගත කිරීමට පියවර ගන්නා බවත් කම්කරු හා විදේශ රැකියා අමාත්‍ය මනූෂ නානායක්කාර මහතා පැවසීය

ශ්‍රී ලංකාවේ ස්ථාවර ආර්ථිකයක් නිර්මාණය කර ගැනීම සඳහා කිසිඳු දේශපාලනික අරමුණකින් තොරව සහාය ලබාදීමට චීන මහජන සමූහාණ්ඩුව කටයුතු කරන බවත්, ජනාධිපති රනිල් වික්‍රමසිංහ මහතා සමඟ සමීපව කටයුතු කිරීම තම අරමුණ බවත් චීන මහජන සමූහාණ්ඩුවේ ජනාධිපති ෂී ජින් පිං මහතා පැවසීය.

බදුල්ල සිට මීගහකිවුල හරහා ඇකිරිය බලා ධාවනය වෙමින් තිබූ ශ්‍රී ලංගම බස්‍ රථයක් අද 20 දහවල් මීගහකිවුල ඇකිරිය මොරහෙල මාර්ගයේ යෝධ උඋල්පත ප්‍රදේශයේ දී මාර්ගයෙන් ඉවතට පැන අඩි 200ක පමණ ප්‍රපාතයකට පෙරලීයාමෙන් කාන්තාවක මියගොස් තුවාල ලැබු 35ක් පමණ මීගහකිවුල සහ බදුල්ල මහ රෝහලට ඇතුළත් කළ බව අරාව පොලිසිය පවසයි.

ශ්‍රී ලංකාවේ ණය ප්‍රශස්තකරණය උදෙසා දෙපාර්ශ්වයටම සරිලන මධ්‍යකාලීන හා දීර්ඝකාලීන වැඩපිළිවෙළකට පූර්ණ සහාය ලබා දෙනවා – චීන මුදල් අමාත්‍යවරයා ජනපති හමුවේ සහතික වෙයි

තම බිරිඳ දරු දෙදෙනාද රැගෙන වෙනත් පුද්ගලයතු සමග පළා යාමෙන් සිත් තැවුලට පත් මස්කෙළිය ස්ට්‍රැප්සි වතුයායේ පුද්ගලයකු ගෙල වැලලාගෙන මිය ගොස් ඇත.

එසේම ශ්‍රී ලංකාවේ ප්‍රවාහන පද්ධති විදුලියෙන් ක්‍රියාත්මක කිරිමේ අවකාශ, විදුලි වාහන එකළස් කිරීම, විදුලි දුම්රිය සේවා ඇතුළු ක්ෂේත්‍ර ගණනාවක් පිළිබඳව ද සාකච්ඡා කෙරිණි.