ඒ අනුව 13 වන ව්‍යවස්ථා සංශෝධනයට අදාලව ජනාධිපතිවරයා ලබන සතියේ පාර්ලිමේන්තුවේ දී විශේෂ ප්‍රකාශයක් කිරීමට නියමිතය.

ඔස්ට්‍රේලියානු රජයෙන් ලැබුණු ලක්ෂ 500ක ණය ආධාරයක් යටතේ අනුරාධපුර ශික්ෂණ රෝහලට ලබා ගත් සායනික අපද්‍රව්‍ය කළමනාකරණ පද්ධති සඳහා ස්ථාපිත කළ මොටා මයිසර් යන්ත්‍රය මේ වන විට සුදු අලියකු බවට පත්ව ඇති බවත්, ලක්ෂ 65 අධික විදුලි බිලක් ඒ සඳහා මේ වන විට ගෙවා ඇති බවත් එය සවිකිර කිරීම සඳහා ලක්ෂ 100ක පමණ මුදලක් වැය වුවද එය දැනට අකර්මන්‍ය තත්ත්වයේ පවතින බව අනුරාධපුර රෝහලේ ප්‍රගතිශීලී සෞඛ්‍ය සේවා සංගමය පවසයි.

දේශීය කුකුළු මස් කිලෝවක මිල රුපියල් 100කින් අඩු කිරීමට දේශීය කුකුළු මස් නිෂ්පාදන කර්මාන්තකරුවන් එකඟත්වය පළ කළ බව කෘෂිකර්ම අමාත්‍යාංශය පවසයි.

ක්‍රීඩා පනතට අනුව ලංකා ප්‍රිමියර් ලීග් (LPL) තරගාවලිය පැවැත්වීමට ක්‍රීඩා අමාත්‍යාංශයේ අනුමැතිය ලබා ගත යුතු වුවත් එවන් අවසරයක් ලබා නොගෙන මෙම තරගාවලිය පැවැත්වීම ශ්‍රී ලංකා ක්‍රිකට් ආයතනයට කළු පැල්ලමක් බව තරුණ කටයුතු හා ක්‍රීඩා ඇමති රොෂාන් රණසිංහ මහතා පැවසීය.

මස්කෙලිය ප්‍රදේශයේ පාසල් දැරියක් කිලෝමිටර් දෙකක දුරක් විනාඩි 14 කින් පාගමනින් ගොස් වාර්තාවක් තැබිමට (31) දින සමත්විය.

මිහින්තලේ මහකනදරාව වැව් රක්ෂිතය ආසන්නයේ ’පොතාන’ ප්‍රදේශයේ දී ඊයේ (31දා) ඇතින්නියන් දෙදෙනෙකු දැඩි සටනක නිරත වූ බව ගම්වාසීහු පවසති. මෙම ද්වන්ධ සටන පැය දෙකකට අධික කාලයක් පැවති බව යම ගම්වාසීහු පැවසූහ.

වාද්දුව මැස්ටිය ගඟේ නීති විරෝධී මත්පැන් වැටලීම් වැටලීමට ගිය පොලිස් කොස්තාපල්වරයෙකුට සර්පයකු දෂ්ට කිරීමෙන් රෝහල් ගතකර ඇතැයි පාණදුර කොට්ඨාස අපරාධ විමර්ශන කාර්යංශය කියයි.

වව්නියාව බන්ධනාගාර රැදවියන් අතර ශිඝ්‍රයෙන් ව්‍යාප්ත වන බෝවන රෝගයක් වූ සරම්ප රෝගයට සමාන රෝගී තත්වයක් හේතුවෙන් වවුනියාව බන්ධනාගාරය සති දෙකක කාලයකට පමණ තාවකාලිකව වසාදමා ඇති බව බන්ධනාගාර වව්නියාව බන්ධනාගාර නියාමක නිලධාරීන් පවසති.

අස්වැසුම සමාජ සුබ සාධන ප්‍රතිලාභ ලබා ගැනීම සඳහා සුදුසුකම් ලැබූ පිරිසට අවශ්‍ය බැංකු ගිණුම් ආරම්භ කිරිම සඳහා රාජ්‍ය බැංකු පද්ධතිය රජයේ නිවාඩු දිනවල ද විවෘතව පවතිනු ඇතැයි මුදල් රාජ්‍ය අමාත්‍ය ෂෙහාන් සේමසිංහ මහතා පැවැසීය.

දැනට සමෘද්ධි සහනාධාරය ලබන පවුල් අතරින් අස්වැසුම සුබ සාධන ප්‍රතිලාභ වැඩසටහන සඳහා සුදුසුකම් නොලැබූ පවුල් 393,094කට සමෘද්ධි දීමනාව තව දුරටත් ලබා දීමට තීරණය කළ බව මුදල් රාජ්‍ය අමාත්‍ය ෂෙහාන් සේමසිංහ මහතා පවසයි.

ඊයේ (31) මධ්‍යම රාත්‍රියේ සිට ක්‍රියාත්මකවන පරිදි ඉන්ධන මිල ගණන් සංශෝධනය කිරීමට ලංකා ඛනිජ තෙල් නීතිගත සංස්ථාව තීරණය කර තිබේ. ඒ අනුව ඇතැම් ඉන්ධන වල මිල ගණන් ඉහළ දමා ඇති අතර තවත් ඉන්ධන වර්ග වල මිල අඩුකර තිබේ.

කොළඹ පාරිභෝගික මිල දර්ශකයට අනුව ජුලි මාසයේ මතුපිට උද්ධමනය සියයට 6.3ක් දක්වා පහත බැස ඇති බව ජන හා සංඛ්‍යා ලේඛන දෙපාර්තමේන්තුව පවසයි. ඒ අනුව මාස ගණනාවකට පසුව නැවතත් උද්ධමනය තනි ඉලක්කමකට පැමිණ තිබේ.

කුකුළු මස් හා මිල ගණන් සාමාන්‍ය ජනතාවට දැරිය නොහැකි ඉතා ඉහළ මට්මටක පැවැතීම නිසා පසුගිය ජූලි 27 වනදා ජනාධිපතිවරයාගේ මූලිකත්වයෙන් පැවැති ජීවන වියදම් කමිටු රැස්වීමේදී කර්මාන්ත සඳහා අවශ්‍ය කුකුළු මස් ආනයනය කිරීමට එකඟ වූ බව වෙළෙඳ වාණිජ හා ආහාර සුරක්ෂිතතා අමාත්‍ය නලීන් ප්‍රනාන්දු මහතා පැවැසීය.

උඩරට ප්‍රදේශවලට මේ දිනවල බලපා ඇති වියළි කාලගුණය හේතුවෙන් වික්ටෝරියා ජලාශයේ ජල විදුලි උත්පාදනය බොහෝ දුරට සීමා කොට ඇති බව එහි කාර්ය භාර ඉංජිනේරු වසන්ත ඇහැළපිටිය මහතා පවසයි.

බාල ඖෂධ මෙරටට නොගෙනෙන බවත්, මෙරටට අවශ්‍ය ඖෂධ වෛද්‍ය සැපයීම් අංශය හරහා රාජ්‍ය ඖෂධ නීතිගත සංස්ථාව මගින් මෙරටට ගෙන එන බවත්, බාල බෙහෙත් කියා දෙයක් ලෝකයේ කොහේවත් නිපදවන්නේ නොමැති බවත් සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා ප්‍රකාශ කළේය.

ලෝකයේ පුද්ගලයකු මේ වන විට සතියකට ක්‍රෙඩිට් කාඩ් එකක ප්‍රමාණයක්, එනම් ක්ෂුද්‍ර ප්ලාස්ටික් ග්‍රෑම් 05ක් අනුභව කරන කරන බව ගෝලීය දත්ත අනුව හෙලිවෙයි.

කූඨ ලෙස සකස් කළ ගුවන් ගමන් බලපත්‍ර සහ ගුවන් යානා ප්‍රවේශ පත්‍ර භාවිතා කරමින් යුරෝපය වෙත පැන යාමට තැත් කළ ලාංකික තරුණයන් 05 දෙනෙකු අද (31දා) උදෑසන කටුනායක ගුවන් තොටුපොළ පිටත්වීමේ පර්යන්තයේ දී ගුවන් යානයට පිවිසෙන අවසාන ගේට්ටුවේ දී ආගමන විගමන දේශසීමා ආවේක්ෂණ ඒකකයේ නිලධාරීන් පිරිසක් විසින් අත් අඩංගුවට ගෙන තිබේ.

කොළඹ චිත්තම්පලම් ඒ ගාඩිනර් මාවතේ මහජන බැංකු ප්‍රධාන කාර්යාලය ඉදිරිපිටදී ධාවනය වෙමින් තිබූ මෝටර් රථයක් හදිසියේ ගිනි ගැනීමට ලක්වූ බව කොම්පඤ්ඤ වීදිය පොලිසිය සඳහන් කරයි.

ඊශ්‍රායලයේ සාත්තු සේවා රැකියා වරම් ලැබූ තවත් ශ්‍රී ලාංකිකයින් 15 දෙනෙකු සඳහා ගුවන් ටිකට්පත් ප්‍රදානය කිරීම කම්කරු හා විදේශ රැකියා අමාත්‍ය මනුෂ නානායක්කාර මහතාගේ ප්‍රධානත්වයෙන් අද දින (31) කම්කරු හා විදේශ රැකියා අමාත්‍යාංශයේ දී සිදුකරන ලදී.

බදුල්ල තල්දෙන ඇළේ ජලයේ පාවෙමින් තිබු තරුණයෙකුගේ මල සිරුරක් 31 දින දවල් සොයාගත් බව පොලිසිය කියයි.

2021 වසරේදී සංචාරක ප්‍රවර්ධන අධිකාරිය හා නාගරික සංවර්ධන අධිකාරිය විසින් කැබිනට් පත්‍රිකාවක් ඉදිරිපත් කර අදාළ ආයතන 15කින් මෙම ව්‍යාපෘතියට අනුමැතිය ලබාගත්තා. මෙම ව්‍යාපෘතිය ලංකාවට ලැබීමට සමගාමීව නේපාලයට සහ ඩොමිනිකා රාජ්‍යයටත් ලැබුණා. ඩොමිනිකා රාජ්‍යයට ලැබුණේ ඩොලර් මිලියන 200ක ව්‍යාපෘතියක්. අපේ රටට ලැබී තිබුණේ ඩොලර් මිලියන 65ක ව්‍යාපෘතියක්. නමුත් අප තවම මෙම ව්‍යාපෘතියට අනුමැතිය ලබා දී නැහැ. නේපාලය දැන් ව්‍යාපෘතිය ආරම්භ කර එහි වැඩ කටයුතු කරගෙන යන අතර

ලෝකයේ විශිෂ්ඨතම සෞඛ්‍ය පද්ධතියක් සහිත මෙරට නිදහස් සෞඛ්‍ය ක්ෂේත්‍රය රැක ගැනීම රජයේ පමණක් නොව, සෞඛ්‍ය කාර්ය මණ්ඩල හා මහජනතාව මෙන්ම ජන මාධ්‍යයේ ද වගකීමක් බව ශ්‍රී ජයවර්ධනපුර මහ රෝහලේ අධ්‍යක්ෂ විශේෂඥ වෛද්‍ය රත්නසිරි හේවගේ මහතා අවධාරණය කළේය.

ඉන්ධන පිරවුමිහල් 101 ක් ඉන්ධන තොග පවතාවාගෙන නොයාම නිසා රජයට පවර ගැනිමට උපදෙස් ලබාදුන් බව අමාත්‍ය කාංචන විජේසේකර මහතා පැවසිශ්‍රි ලංකා පොදුජන පෙරමුණේ මාතර ආසන සමිමෙිලනය ඊයේ (30දා) මාතරදි අමතමින් ඔහු මේ බව පැවැසීය.

වතුකරයේ ජනතාවටත් (31) දින සිට හැටන් සතොස ශාඛාව හරහා රු 35 ට ආනයනික බිත්තර මිල දි ගත හැකි බව හැටන් සතොස ශාඛාවේ කලමණාකාරවරයා පැවසිය.

හොරොව්පතාන ලංගම ඩිපෝවේ රියැදුරෙකුට සහ කොන්දොස්තරවරයෙකු ට පහරදීම හේතුවෙන් රජරට ප්‍රාදේශීකයේ ලංගම ඩිපෝ 7 අද දිනයේ ධාවනයෙන් ඉවත්ව ඇති බවත් මේ වන විට රජරට ප්‍රාදේශිකය තුළ බස් රට 400 හාරසියයකට ආසන්න ප්‍රමාණයක් ධාවනයෙන් ඉවත්ව ඇති බව කහටගස්දිගිලිය ඩිපෝව කළමනාකාර මහින්ද කුමාර විජය බණ්ඩාර මහතා පවසයි.

සත්ව ආහාර හා බියර් නිෂ්පාදනය කිරීම සඳහා සහල් තොග යොදාගැනීම තාවකාලිකව අත්හිටුවන්නැයි කෘෂිකර්ම අමාත්‍ය මහින්ද අමරවීර එම අමාත්‍යංශයේ ලේකම් ගුණදාස සමරසිංහ මහතාට උපදෙස් දී තිබේ.

2023 වසරේ පළමු මාස හත තුළ සංචාරක පැමිණීම් දැනටමත් 2022 මුළු වසර සඳහාම වාර්තා වූ මුළු සංචාරක පැමිණීම් ඉක්මවා ගොස් ඇතැයි සංචාරක සංවර්ධන අධිකාරයේ තාවකාලික දත්ත පෙන්වා දෙයි. මේ වසරේ ජනවාරි 1 සිට ජූලි 27 දක්වා කාලය තුළ සංචාරක පැමිණීම 2022 වසරේ සමස්ත සංචාරක පැමිණිම්වලට වඩා සියයට 4ක ප්‍රමාණයකින් වර්ධනය වී ඇති බව එම දත්ත පෙන්වා දෙයි.

සමනල වැව හා උඩවළවේ ජලාශයේ ජල ධාරිතාව ප්‍රමාණවත් නොවීම හේතුවෙන් වී ඇතුළු අනෙකුත් බෝග සහ විදුලි බල නිෂ්පාදනය අඩාළ වීම අනුව ඉදිරි සතියක කාලය තුළදී සමස්තයක් ලෙස රු.බිලියන 30ක පමණ අලාභයක් සිදුවිය හැකි බවට ඇස්තමේන්තු කර ඇතැයි කෘෂිකර්ම අමාත්‍යාංශය ප්‍රකාශ කළේය.

මත් කුඩු චෝදනාවට මහාධිකරණයෙන් සැමියා බන්ධනාගාරගත කර සිටියදී වසර එක හමාරක පිරිමි දරුවා ඇකේ තබාගෙන හොරයින් මත්කුඩු ජාවාරම් කළ කාන්තාවක් අත්අඩංගුවට ගත් බව කහතුඩුව පොලිසිය කියයි.