දින හතරකට ඉහතදී අතුරුදන් වූ මහරගම නගර සභාවේ සේවය කළ විශ්‍රාමික කම්කරු හෝමාගම කැන්ඳලන්ද ප්‍රදේශයේ වතුර වලකට වැටී අභිරහස් ලෙස මියගොස් ඇතැයි හෝමාගම මූලස්ථාන පොලිසිය කියයි

අභාවප්‍රාප්ත රාජ්‍ය අමාත්‍ය සනත් නිශාන්ත මහතාගේ පුරප්පාඩුවට පත් කෙරුණු ජගත් ප්‍රියංකර මහතා කතානායක මහින්ද යාපා අබේවර්ධන මහතා ඉදිරියේ දිවුරුම් දුන්නේය.

නිවසේ කාමරයක සිට දිගු වේලාවක් දුරකථන ඇමතුමක් ලබාගනිමින් සිට කාන්තාවක් සිය සැමියා කාමරයට ඇතුළුවන විට එය විසන්ධි කර ඇති බවත්, එයින් උරණවූ සැමියා මුළුතැන්ගෙයි තිබූ මන්නය රැගෙන ඇයගේ හිසට පහරදී ඇත.

සිසු හෙද පුහුණුවට බඳවා ගැනීමේ සම්මුඛ පරීක්ෂණ මෙම මස10 වැනි දින මහනුවර හෙද විදුහලේ දී

කප්පම් මුදල් ලබා ගැනීම සදහා සිරකර රදවා තබාගෙන සිටි විශේෂ්ඥ වෛද්‍යවරයා බදුල්ලේ ප්‍රසව හා නාරිවේද විශේෂඥ වෛද්‍යවරයෙක් බවත් ඔහු සිරකරගෙන සිටි විසිඅට හැවිරිදි උපකාර පංති ගුරුවරයා මීටියාගොඩ ප්‍රදේශයේම පදිංචි අයෙක් බවත් පොලීසිය කියයි

මැණික් ව්‍යාපාරිකයෙකු බස් රථයකදී අමතකව දමා ගිය රුපියල් 2,500,000/= වටිනා මැණික් සහිත පාර්සලයක් සොරා ගත් පෞද්ගලික බස් රථ රියදුරෙකු අත්අඩංගුවට

ඉන්දීය පදනම සහ ඕස්ට්‍රේලියානු රජයේ ආරාධනාව අනුව 07 වන ඉන්දීය සාගර සමුළුවට සහභාගී වීම සදහා ජනාධිපති රනිල් වික්‍රමසිංහ මහතා අද දින අලුයම කටුනායක ගුවන් තොටුපොළෙන් ඕස්ට්‍රේලියාව බලා පිටත්ව ගොස් තිබේ .

කොළඹ කොටස් වෙළඳපොළ කටයුතු අද දිනයේ නිම වන විට රුපියල් බිලියන 12ක දෛනික පිරිවැටුපක් වාර්තා වී තිබේ. එසේම අද දිනයේදී සමස්ත කොටස් මිල දර්ශකය සියයට 0.02කින් හා එස්.ඇන්ඩ් පී. දර්ශකය සියයට 0.13කින් ඉහළ ගොස් තිබේ.

’’මම කම්පනයට පත් වුණේ නෑ. ඔවුන් මාව තෝරා නොගත් නිසා මම පුදුමයට පත් වුණා. ’’ යැයි අතපත්තු අඟහරුවාදා මාධ්‍ය හමුවකදී පැවසීය.

අන්තර්ජාතික ක්‍රිකට් කවුන්සිලය (ICC) විසින් නිකුත් කළ නවතම ටෙස්ට් පන්දු යවන්නන්ගේ ශ්‍රේණිගත කිරීම්වලට අනුව, දඟපන්දු යවන ක්‍රීඩක ප්‍රභාත් ජයසූරිය ශ්‍රේණිගත කිරීම්වල ඉදිරියට පැමිණ තිබේ.

උගුරේ සිට ආමාශය දක්වා පවතින රෝග හඳුනා ගැනීමට හා ප්‍රතිකාර කිරීමට (එන්ඩස්කොපි පරීක්ෂණ) කොළඹ ජාතික රෝහල තුළ තිබෙන යන්ත්‍ර 10 න් අටක්ම මේ වන විට ක්‍රියා විරහිත වී තිබෙන බව සමස්ත ලංකා හෙද සංගමය සඳහන් කරයි.

ඉන්දීය රජයේ නිල ආරාධනාවක් අනුව ඉන්දියාවේ සංචාරයක නිරත වූ ජාතික ජන බලවේගයේ නායක අනුර කුමාර දිසානායක මහතා ඇතුළු දූත පිරිස ඉන්දීය විදේශ කටයුතු ලේකම් විනෝ මෝහන් මහතා හමුවී තිබේ.

බෙලිඅත්ත පංච පුද්ගල ඝාතනයට සම්බන්ධ පුද්ගලයකු බෙලිඅත්ත පොලිසිය මගින් අත්අඩංගුවට ගෙන ඇතැයි බෙලිඅත්ත පොලීසිය කියයි.

චිලියේ හිටපු ජනාධිපති සෙබස්තියන් පිනේරා මහතා හෙලිකොප්ටර් අනතුරක් හේතුවෙන් ජීවිතක්ෂයට පත්ව ඇති බව ජාත්‍යන්තර මාධ්‍ය වාර්තා කරයි. දකුණු ඇමෙරිකානු රටක් වන චිලීහි ජනාධිපතිධුරය දෙවතාවක් දරූ සෙබස්තියන් පිනේරා මහතා එරට ප්‍රමුඛ පෙළේ ව්‍යාපාරිකයෙක් වෙයි.

ලංකා ගුරු සංගමයේ ලේකම් ජෝසප් ස්ටාලින් මහතා පෙන්වා දෙනු ලබන්නේ1996 වසරේ අධ්‍යාපන අමාත්‍යංශය මගින් නිකුත් කළ චක්‍රලේඛයට අනුව ජීවතුන් අතර සිටින පුද්ගලයකුගේ නමින් පාසලක් නම් කළ නොහැකි බවයි . එහෙත් හිටපු අමාත්‍ය කෙහෙළිය රඹුක්වැල්ල මහතා සමාජයට වැරදි ආදර්ශයක් දෙමින්කුණ්ඩසාලය ප්‍රදේශයේ ප්‍රාථමික පාසලක්කෙහෙළිය රඹුක්වැල්ල ප්‍රාථමික විද්‍යාලය නමින්නම් කොට ඇති බවත්ය .

මෙරට පිළිකා රෝගීන්ට ප්‍රතිකාර කිරීම සදහා අවශ්‍යය වන අත්‍යවශ්‍ය ඖෂධ තොගයක් සෞඛ්‍ය අමාත්‍යාංශයට ලබා දීම සදහා ගිවිසුම් ගත වීම අද දින (07) සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතාගේ ප්‍රධානත්වයෙන් සෞඛ්‍ය අමාත්‍යාංශයේදී සිදු විය .

තලවාකැලේ පොලිස් වීශේෂ බලකායේ නිලධාරින්ට ලද තොරතුරක් මත එහි නිලධාරින් පිරිසක් විසින් කරන ලද සෝදිසියකදි හපුගස්තලාව කළුදැමඩ ප්‍රදේශයේ නිවසක් තුල තිබි (7.62x39mm) ටි.56 උන්ඩ 05ක් හා ස්පයිනර් උන්ඩයක් සමග එක් පුද්ගලයකු අත් අඩංගුවට ගෙන ඇත.

තම දරුවන් දෙදෙනාට අමානුෂික ලෙස පහර දි එය විඩියෝ ගත කර සමාජ මාධ්‍යට එක් කල දරුවන්ගේ පියා (07) දින උදැසන අත්අඩංගුවට ගත් බව දිඹුල පතන පොලිසියේ ස්ථානාධිපති ප්‍රධාන පොලිස් පරික්ෂක ආනන්දසිරි මහතා පැවසිය.

කොළඹ අවිස්සාවේල්ල ප්‍රධාන මාර්ගයේ හෝමාගම කැන්ද ලන්ද ප්‍රදේශයේ පිහිටා ඇති පුද්ගලික වෙළඳ ආයතනයක් පිටුපස වගුරු බිමක මෙම නාදුනන පිරිමි මළ සිරුර තිබී හමුවි ඇති බව පැවසේ.

ගැම්බියාවට අවශ්‍ය සහල් සැපයීම සඳහා දෙරට අතර ද්විපාර්ශ්වික ගිවිසුමක් අත්සන් තැබීමට ද මෙම සාකච්ඡාවේ දී තීරණය විය.

කාන්තාවක් විසින් මෙහෙයවන ලද කොල්ල කල්ලියකට සම්බන්ධ දෙදෙනෙකු ඇතුළු එය මෙහෙය වු කාන්තාව අත්අඩංගුවට ගත් බව බස්නාහිර පළාත දකුණු දිශාව අපරාධ කොට්ඨාසය කියයි.

හිටපු නාවික හමුදාපති දයා සඳගිරි මහතා සමගි ජන බලවේගය සමග එක්වී තිබේ. ශ්‍රී ලංකා නාවුක හමුදාවේ 14 වන නාවුක හමුදාපතිවරයා වූ විශ්‍රාමික, දයා සඳගිරි මහතා (VSV, USP rcds, MSc (DS), psc, FCMI) විපක්ෂ නායක සජිත් ප්‍රේමදාස මහතා හමුවී මෙලෙස සමගි ජන බලවේගය හා එක්වී ඇත.

ජාතික ජනබලවේගයේ නායක අනුර කුමාර දිසානායක මහතා ඇතුළු තම පක්ෂයේ කණ්ඩායම ඉන්දියාවේ සංචාරයකට ගියේ ඉන්දියානු රෝ ඔත්තු සේවය මගින් ඉන්දියානු රජයට ලබා දුන් තොරතුරක් මත බව සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න මහතා 06 දීන පස්වරුවේ දඹුල්ලේදී හෙළි කළේය.

2022 අවසානයේ දළ දේශීය නිෂ්පාදනයෙන් 1.9% ක් වූ ගෙවුම් ශේෂයේ ජංගම ගිණුමේ හිඟය, 1977න් පසු පළමු වරට 2023 වසර අවසානයේදී අතිරික්තයක් ඇති කර ගත හැකි වූ බවද ඔහු පැවැසීය.

මාර්ග සංවර්ධන අධිකාරිය සතු වාහන ඵලදායී ලෙස භාවිත කිරීමකින් තොරව අධිවේගී මාර්ගයන්හි රාජකාරි අවශ්‍යතා සඳහා 2022 වර්ෂයේ අප්‍රේල් 15 වැනි දා සිට 2023 දෙසැම්බර් 31 කාලය තුළ රුපියල් මිලියන 281.35 මුදලක් වැය කර අධිකාරිය විසින් බාහිර ආයතනවලින් කුලී පදනම මත වාහන ලබා ගෙන ඇති බව 2024-02-02 දින ජාතික විගණන කාර්යාලය මගින් නිකුත් කරන ලද නවතම විගණන වාර්තාවක සඳහන් වේ.

සමගි ජන බලවේග රජයක් තුළ ජනාධිපති මන්දිරය සහ අරලියගහ මන්දිරය විශ්වවිද්‍යාල බවට පත් කරන බව විපක්ෂනායක සජිත් ප්‍රේමදාස මහතා පැවසීය.

බාල බෙහෙත් ජාවාරම සම්බන්ධයෙන් රිමාන්ඩ් බන්ධනාගාර ගතව මේ වන විට බන්ධනාගාර රෝහලේ ප්‍රතිකාර ලබමින් සිටින හිටපු අමාත්‍ය කෙහෙළිය රඹුක්වැල්ල මහතා පාර්ලිමේන්තුවේ නව සැසිවාරය විවෘත කිරීමේ උත්සවයට අද (7) සහභාගී කරවීමට කතානායක මහින්ද යාපා අබේවර්ධන මහතා අවසරදී ඇත.

ශ්‍රී ලංකා ආයුර්වේද සංස්ථාව විසින් චක්‍රලේඛ නියෝගයන්ට පටහැනිව මහා භාණ්ඩාගාරයේ අනුමැතියකින් තොරව ඉකුත් වසර 08ක කාලයක් තුළදී දිරිදීමනා වශයෙන් සංස්ථාවේ සේවකයන් සඳහා රුපියල් හැට එක්කෝටි දසලක්ෂ හැත්තෑ එක් දහස් පන්සිය හැටනවයක මුදලක් ගෙවා ඇති බව ජාතික විගණන කාර්යාලය මගින් පෙබරවාරි මස 03 වැනි දින නිකුත් කරන ලද නවතම විගණන වාර්තාවක සඳහන් වේ.

ත්‍රිකුණාමලය බන්ධනාගාරයේ රැඳවියන් දෙදෙනෙකු අතර ඇතිවූ ගැටුමකින් තුවාල ලබා රෝහල් ගතව ප්‍රතිකාර ලබමින් සිටි රැඳවියා අද (06දා) මියගිය බව ත්‍රිකුණාමලය වරාය පොලීසිය කියයි.