හමුදා කඳවුරු ඉවත්කරන්නේ නෑ - අමාත්‍ය රුවන් විජේවර්ධන

ජාතික ආරක්ෂාව නැමැති සංවේදී විෂය හා අවස්ථාවාදි දේශපාලනය නොකරන ලෙසත් රජයක් ලෙස උතරු හා නැගෙනහිර ප්‍රදේශවල වෙසෙනා දෙමළ ජනතාවගේ මෙන්ම අනෙකුත් ජනතාවගේ ආරක්ෂාව ස්ථාපිත කර තිබෙන බවත් ආරක්ෂක රාජ්‍ය අමාත්‍ය රුවන් විජේවර්ධන මහතා යාපනයේදී පැවැසීය.

යාපනයේ සංචාරයක නිරතවිමෙන් අනතුරුව එම ප්‍රදේශයෙ රණවිරුවන් අමතමින් ඔහු මෙම අදහස් ඊයේ (06දා) සඳහන් කළේය.

පසුගිය කාලයේ විවිධ කටකතා පැතිර ගිය බවත් ආරක්ෂාව ස්ථාපිත කර තිබෙන කඳවුරු ඉවත් නොකරන බවත් හෙතෙම සඳහන් කළේය.

එසේම ආරක්ෂක හමුදාවන්හි වෘත්තීය ගරුවත්වය ආරක්ෂා කිරිමට මෙන්ම එහි වෘත්තිය තත්ත්වය දියුණු කිරීමටද පියවර ගන්නා බව අමාත්‍යවරයා සඳහන් කළේය.

ඉන් අනතුරුව යාපනයේ රණවිරුවන්ගේ පහසුකම් පිළිබඳ සොයා බැලීම සඳහා කඳවුරු වල නිරීක්ෂණ චාරිකාවකටද අමාත්‍යවරයා එක්විය.

මෙම අවස්ථාව සඳහා ත්‍රිවිධ හමුදාපතිවරුන්, ආරක්ෂක මාණ්ඩලික ප්‍රධානී ඇතුළු පිරිසක් එක්වූහ.

ඡායාරූප ප්‍රදීප් පතිරණ