රියදුරු අඩුව පිරවූ දඹුලු ඩිපෝ කළමනාකරු

(VIDEO) ලංකා ගමනාගමන මණ්ඩලයට අයත් දඹුල්ල ඩිපෝවේ කළමනාකරු ඒ.එන්. නවරත්න මහතා ඊයේ (12 දා) රියදුරු පුරප්පාඩුවක් පුරවමින් බස් රථ ධාවනයට එක්ව තිබේ.

දඹුල්ල සිට හෙට්ටිපොළ දක්වා ධාවනය වන බස් රථයේ රියදුරු අසනීප වී සේවයට නොයෙන බව දැනුම්දී තිබූ අතර, මෙදින අමතර රියදුරන් ඩිපෝවේ නොසිටි බැවින් නවරත්න මහතා, කොන්දොස්තරවරයාද සමග එම බස්රථය ධාවනය කර තිබේ.

මේ පිළිබඳව අදහස් දැක්වූ නවරත්න මහතා පවසා සිටියේ, බස් රථය මෙදින ධාවනය නොකළේනම් තම ඩිපෝවට පාඩු සිදුවන බවත්, බස් රථයක් නවතා තබා තමන්ට කළමනාකාර පුටුවේ වාඩිවී සිටීමට නොහැකි බැවින් තමා එම බස් රථය ධාවනය කළ බවත්ය.

සංස්කරණය නොකළ වීඩියෝ දර්ශන