රාජ්‍ය මුද්‍රණ නීතිගත සංස්ථාවේ නව සභාපති බිනර

රාජ්‍ය මුද්‍රණ නීතිගත සංස්ථාවේ නව සභාපතිවරයා ලෙස බිනර ජයවර්ධන මහතා අද (28දා) පාදුක්ක පානළුව පිහිටි රජයේ මුද්‍රණ නීතිගත සංස්ථා පරිශ‍්‍රයේ දී වැඩ බාරගනු ලැබීය.

අධ්‍යාපන අමාත්‍ය අකිල විරාජ් කාරියවසම් මහතා විසින් මෙම පත්කිරීම සිදු කර ඇති අතර එම සංස්ථාවේ 20 වැනි සභාපතිවරයා ලෙස  වැඩබාර ගත් බිනර ජයවර්ධන මහතා දිස්ත්‍රික් 306 C-2 සිංහ සමාජයේ උප සිංහාධිපතිවරයා ලෙසද කටයුතු කරයි.

එම සංස්ථාවේ වැඩ බාර  ගනිමින් මේ වන විට අතිශය පාඩු ලබන තත්ත්වයක පවතින මුද්‍රණ නීතිගත සංස්ථාව ඉතා ඉක්මනින්  ලාභ ලබන ආයතනයක් බවට පත් කරන බවත් මේ වසර  අවසන් වීමට පෙර එහි සැලකිය යුතු වර්ධනයක් අත්පත් කර ගැනීමට බලාපොරොත්තු වන අතර පවතින සම්පත්වලින් උපරිම කාර්යක්ෂම සහ ඵලදායි සේවාවන් රැසක් ඉටු කිරීමට නායකත්වය ගැනීමටත් , සේවක සුභ සිද්ධිය සහ සුභ සාධනය ඉහළ නැංවීමටත් තම පාලන සමය තුළ බලාපොරොත්තු වන බව ඒ මහතා පැවසීය.