යතුරුපැදි අනතුරින් පාසල් සිසුවෙකු ජීවිතක්ෂයට
- 21 05 2017
- 12:01
- {{hitsCtrl.values.hits}} views
- . .
ගලඋඩ - කන්දකැටිය ප්‍රධාන මාර්ගයේ කන්දකැටිය ගොඩිගමුව හංදිය අසලදී අද (21දා) යතුරු පැදියක් මාර්ගයෙන් ඉවතට පැන ගසක ගැටීමෙන් සිදුවූ අනතුරකින් පාසල් සිසුවෙකු බරපතළ තුවාල ලබා කන්දකැටිය රෝහලට ඇතුළත් කිරීමෙන් අනතුරුව ජීවිතක්ෂයට පත්ව ඇතැයි කන්දකැටිය පොලීසිය පවසයි.
මෙලෙස ජීවිතක්ෂයට පත්ව ඇත්තේ, කන්දකැටිය, වියලුව, ඩී.එස්. සේනානායක ජාතික පාසලේ 09 වැනි ශ්‍රේණියේ ඉගෙනුම ලබමින් සිටි කේ.එම්. තරිඳු රුක්ෂාන් ජයසේකර (අවු.14) නමැත්තෙකි.
මරණයට පත් සිසුවා අසල්වැසි තරුණයෙකුට අයත් යතුරු පැදියක් ඔහුට නොදන්වා පදවාගෙන යමින් සිටියදී අනතුරට ලක්ව ඇතැයි මූලික පොලිස් පරීක්ෂණවලදී අනාවරණය වී තිබේ.
සිද්ධිය සම්බන්ධයෙන් කන්දකැටිය පොලීසිය වැඩිදුර පරීක්ෂණ පවත්වයි.
මීගහකිවුල - එන්.කේ. නිශ්ශංක
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
